Златко Марин ја губи довербата меѓу социјалдемократите во Аеродром, позната е неговата замена

Новиот кандидат за градоначалник на претстојните локални избори во Општина Аеродром, ќе биде пратеникот Александар Филиповски.

Оваа информација тој самиот ја објави на Фејсбук и истакна дека ја прифатил номинацијата од страна на многу членови од сите месни организации во ОО Аеродром.

– Подготвивме навистина квалитетна програма за следните четири годинии. Целото мое знаење и искуство ќе го вложам во градење на локална самоуправа која ќе биде вистински сервис на граѓаните. Во Аеродром пораснав, го познавам секој дел од општината и знам што е потребно за да биде подобро. Токму затоа ќе ми биде чест и задоволство да го дадам својот придонес. Заедно да создадеме место каде што ќе растат и ќе се развиваат уште многу идни генерации – напиша Филиповски.