Полицаец во американската сојузна држава Њу Џерси се маскирал во зелена грмушка за да ги открие возачите кои за време на возењето пишуваат пораки, пребаруваат на интернет или разговараат на мобилен телефон.

Полициската управа на Данелен на социјалните мрежи објави фотографии од својата необична „специјална единица“. На нив се гледа полицаец облечен во маскирно одело што наликува на зелена грмушка, со двоглед во рацете.

„Дали денес ја забележавте нашата ‘грмушка’? Ако погледот ви беше насочен кон телефонот, веројатно не сте ја забележале“, напишаа од полицијата.

Како што објаснија, акцијата била спроведена во фреквентен дел од центарот на градот, низ кој секојдневно минува голем број возила и пешаци.

За само шест часа биле изречени 74 казни на возачи кои користеле мобилен телефон додека управувале со возило.

Од полицијата упатија апел до граѓаните да не го користат телефонот додека возат.

„Нека ова ви биде потсетник, пораката или известувањето можат да почекаат. Гледајте го патот, а не во екранот“, порачаа од полицијата.

Според важечките прописи во Њу Џерси, казните за користење мобилен телефон зад волан започнуваат од 200 долари, а за повеќекратни прекршители можат да достигнат и 600 долари.

Возачите кои трипати ќе го повторат истиот прекршок може да останат без возачка дозвола во период до 90 дена.

The post 📽️ „ЖИВА ГРМУШКА“ ДЕМНЕШЕ НЕСОВЕСНИ ВОЗАЧИ Маскиран полицаец напиша 74 казни за шест часа appeared first on plusinfo.mk.

Возачите кои минуваат низ дел од индиската сојузна држава Мадја Прадеш ги пречекува необична глетка – делници од патот обоени во интензивна црвена боја, што од далечина потсетуваат на огромна црвено-црна шаховска табла.

Сепак, не станува збор за украс или уметничка инсталација, туку за ново сообраќајно решение чија цел е да ја намали брзината на возилата и да ги заштити дивите животни на патот што минува низ резерватот за тигри Вирангана Дургавати.

Црвените ознаки се поставени на ридскиот дел од државниот пат „NH-45“, помеѓу градовите Бопал и Џабалпур. На критична делница долга околу два километри, врз асфалтот е нанесен црвен термопластичен материјал со дебелина од пет милиметри, распоредена во големи правоаголници.

Впечатливата боја јасно им сигнализира на возачите дека влегуваат во чувствителна зона, додека благо издигнатата површина создава лесни вибрации и звук при минување на возилата. Намерата е возачите природно да ја намалат брзината, без класични „лежечки полицајци“ или нагло сопирање.

Проектот беше претставен кон крајот на 2025 година, но повторно го привлече вниманието откако индиските власти најавија дека ваквите црвени делници би можеле да станат стандард на патиштата што минуваат низ шумски и еколошки чувствителни подрачја.

Една од нивните најголеми предности е што не бараат раскопување на постојниот коловоз, не го нарушуваат системот за одводнување, создаваат помалку бучава од класичните вибрациски ленти и можат лесно да се одржуваат или да се отстранат доколку се најде поефикасно решение.

Но, црвениот асфалт е само дел од многу поширок проект. Во рамките на реконструкцијата на речиси 12 километри пат низ резерватот изградени се 25 подземни премини за диви животни.

Покрај патот се поставени заштитни огради што треба да ги спречат животните да истрчаат пред возилата и да ги насочат кон безбедните премини. На мостовите и премините се инсталирани камери за следење на движењето на животните, додека дополнителното осветлување функционира со соларна енергија.

Потребата од вакви решенија е голема. Според податоците што ги објавува Економик тајмс, во текот на 2024 година на индиските патишта што минуваат низ шумски подрачја загинале 582 диви животни, додека една година претходно биле регистрирани 508 вакви случаи.

 

View this post on Instagram

 

A post shared by James Stewart (@james_stew)

Проблемот дополнително се зголемува кога старите дволентни патишта се прошируваат на четири ленти, бидејќи се зголемуваат и брзината на возилата и густината на сообраќајот, додека природните миграциски рути на животните остануваат непроменети.

Индиските власти тврдат дека во првите шест месеци од функционирањето на пилот-проектот не е регистрирана ниту една сообраќајна несреќа со смртни последици на оваа делница. Сепак, нагласуваат дека ќе биде потребен подолг период за да се процени неговата вистинска ефикасност.

Доколку резултатите останат позитивни и се потврди дека црвениот асфалт навистина ги успорува возачите и го намалува бројот на прегазени животни, ваквата практика наскоро би можела да стане вообичаена на многу индиски патишта.

The post 📽️ ЦРВЕН АСФАЛТ ГИ ШОКИРА ВОЗАЧИТЕ Не е декорација, туку паметно решение што спасува животи appeared first on plusinfo.mk.

Македонија ја очекува сончев и исклучително топол ден, со температури кои на повеќе места ќе се приближат до 40 Целзиусови степени. Според прогнозата на Управата за хидрометеоролошки работи (УХМР), времето ќе биде стабилно, со мала локална облачност и слаб до умерен ветер од променлив правец.

Утринските температури ќе се движат од 12 степени во Берово до 19 степени во Гевгелија, додека максималните дневни ќе достигнат од 31 степен во Маврово до дури 39 степени во Скопје.

Во главниот град ќе преовладува сончево и многу топло време со слаб ветер од променлив правец. Температурата ќе се движи од 16 до 39 степени.

Според УХМР, жештините ќе продолжат и во наредните денови. Во четврток времето повторно ќе биде сончево и многу топло, со мала локална облачност и слаб до умерен ветер од североисточен правец. Утринските температури ќе се движат од 12 до 22 степени, а дневните ќе достигнат од 32 до 39 степени.

Во петок се очекува сончево и многу топло време со мала до умерена локална облачност. Ќе дува слаб до умерен, а на места и засилен ветер претежно од северен правец. Утринските температури ќе бидат од 13 до 22 степени, додека максималните ќе се движат од 33 до 40 степени, што ќе биде најтоплиот ден во овој период.

Од Институтот за јавно здравје апелираат граѓаните да ги почитуваат препораките, а особено да внимаат лицата над 60 години, бремените жени, децата, работниците на отворено, како и лицата со хронични заболувања

Препораки за заштита од топлото време

– Избегнувајте директно изложување на сонце.

– Носете светла и лесна облека.

– При неопходен престој на отворен простор во овој период, најдете можност за почести одмори под сенка и избегнувајте директен престој на сонце.

– Внесувајте умерена количина храна. Избегнувајте масна и висококалорична храна како и храна која содржи голема количина на шеќер.

– Внесувајте доволно течности во текот на целиот ден.

– Кога сте во паркирано возило, отворете го прозорецот со цел да овозможите вентилација. Целосно затворените возила стануваат многужешки. Не оставајте никого во возилото!

– За сите промени во здравствената состојба, задолжително да го консултираат својот матичен лекар.

Здравствените власти советуваат да не се зема самоиницијативно терапија.

The post СКОПЈЕ ЌЕ СЕ „ТОПИ“, ПЕКОЛНИ 39 СТЕПЕНИ Жешкото време продолжува, метеоролозите со предупредување appeared first on plusinfo.mk.

Украина е подготвена за сите формати на разговори со Соединетите Американски Држави со цел да се постигне мир преку преговори, изјави вечерва украинскиот претседател Володимир Зеленски.

Во своето редовно вечерно обраќање до нацијата, Зеленски истакна дека украинската дипломатија секојдневно комуницира со претставници на американскиот претседател Доналд Трамп во рамки на процесот на преговори со Русија.

– Украинската дипломатија е во секојдневен контакт со претставниците на американскиот претседател Доналд Трамп и подготвени сме за сите формати на состаноци – изјави Зеленски.

Тој изрази очекување дека американските претставници Стив Виткоф и Џаред Кушнер ќе имаат активна улога во дипломатските активности во текот на август.

– Сметаме на Стив Виткоф и Џаред Кушнер да бидат активни во текот на август – рече украинскиот претседател.

Зеленски посочи дека, покрај разговорите со САД, продолжуваат и дипломатските контакти со други меѓународни партнери, особено со земјите од Заливот.

– Продолжуваат дипломатските напори и со други партнери, особено во земјите од Заливот. Засега не можам да откријам повеќе детали – додаде Зеленски.

The post ЗЕЛЕНСКИ ПОДГОТВЕН ЗА НОВИ ПРЕГОВОРИ Украина отворена за сите формати на разговори со САД за мир appeared first on plusinfo.mk.

Пожарот што три дена гореше во атарот на кавадаречкото село Раец е целосно изгаснат, соопшти вечерва градоначалникот на Кавадарци, Митко Јанчев.

Во објава на својот профил на Фејсбук, Јанчев истакна дека по три дена непрекината, тешка и пожртвувана работа, огнената стихија е ставена под целосна контрола.

– По три дена непрекината, макотрпна и пожртвувана работа, пожарот во село Раец е целосно изгаснат. Заедно покажавме дека кога сме обединети можеме да се справиме и со најголемите предизвици – рече Јанчев.

Тој нагласи дека во овие тешки денови уште еднаш се покажала силата на солидарноста и пожртвуваноста на сите кои деноноќно биле ангажирани во борбата со пожарот.

Градоначалникот упати благодарност до Територијалните противпожарни единици од Кавадарци и Неготино, ЈП „Комуналец“ – Кавадарци, Дирекцијата за заштита и спасување, Центарот за управување со кризи, Општата болница Кавадарци, Шумското стопанство „Бор“, Министерството за внатрешни работи, Армијата, ОВР Кавадарци, Граничната полиција – Југ, доброволните противпожарни друштва, како и до сите доброволци и жители на селата Раец и Дреново кои помогнале во гаснењето на пожарот.

– Вашата храброст, пожртвуваност и несебична поддршка беа од непроценливо значење за успешно надминување на оваа сериозна состојба – истакна Јанчев.

На крајот, тој им се заблагодари на сите што на кој било начин придонеле во справувањето со огнената стихија.

The post ПО ТРИ ДЕНА БОРБА, ИЗГАСНАТ ПОЖАРОТ КАЈ РАЕЦ Јанчев им се заблагодари на сите што го гаснеа appeared first on plusinfo.mk.

Двајца државјани на Косово се лишени од слобода во Скопје под сомнение дека сториле кривично дело „фалсификување пари“, откако полицијата во нивното возило пронашла пари во различни валути со вкупна вредност од околу 230.000 евра.

Од Министерството за внатрешни работи информираат дека на 3 август 2026 година, полициски службеници од Единицата за интервентна полиција при СВР Скопје ги привеле Ф.Р. (30) и Т.Т. (44), двајцата државјани на Република Косово.

При преглед на патничко возило „голф“, во кое се превезувале двајцата, биле пронајдени пари во различни валути и апоени – евра, американски долари, швајцарски франци и британски фунти, со вкупна проценета вредност од околу 230.000 евра.

Пронајдените пари биле одземени, а осомничените биле спроведени во Полициската станица Центар, каде што се преземаат дополнителни мерки за расчистување на случајот.

Од МВР соопштија дека по целосно документирање на случајот, во координација со надлежен јавен обвинител, против двајцата ќе биде поднесен соодветен поднесок.

 

View this post on Instagram

 

A post shared by Plusinfo.mk (@plusinfo.mk)

The post 📽️ 230.000 ЕВРА ПОД ЛУПА НА ПОЛИЦИЈАТА Двајца косовски државјани осомничени за фалсификување пари appeared first on plusinfo.mk.

Фактот дека партија која со години го промовира концептот на „општество за сите“ стана заложник на ксенофобична реторика зборува за длабочината на нивниот политички и морален пад. Со напаѓањето на мојот избор, СДСМ директно им испрати порака на граѓаните од српска националност дека ги смета за граѓани од втор ред, чии права се пожелни само на хартија за време на изборните кампањи, или според нивната реторика во последните години, така што би биле среќни ако Србите воопшто не постоеја во Македонија. Но, едноставно е зачудувачки што тие се во исти позиции како поранешните членови на ОВК во Демократската унија за интеграција (ДУИ), вели лидерот на Демократската партија на Србите во Македонија и министер за локална самоуправа Иван Стоиљковиќ во интервју за белградска „Политика“.

Зошто, како партија на национално малцинство, честопати сте биле поблиску до национално посилната ВМРО-ДПМНЕ отколку до „пограѓанската“ СДСМ?

Стоиљковиќ вели дека, додека опозицијата се занимава со, како што оценува, шовинистичка реторика, Демократската партија на Србите во Македонија гради стратешко партнерство со ВМРО-ДПМНЕ.

– Додека опозицијата се исцрпува во шовинистичка реторика, ние градиме стратешко партнерство помеѓу ДПСМ и ВМРО-ДПМНЕ, од наша страна искрено, покажувајќи со сопствената работа и однесување како да се изгради стабилна и модерна држава. Нашата соработка не е производ на политичка трговија, туку плод на споделена одговорност кон сите граѓани – вели Стоиљковиќ.

Тој додава дека, според него, сегашното партнерство се разликува од односот што претходните влади го имале кон српската заедница.

– За разлика од претходните влади, кои ја перцепираа српската заедница претежно како гласачка машина во пресрет на изборите, партнерството со ВМРО-ДПМНЕ се темели на принципите на вистинска еднаквост, меѓусебно почитување и ценење на експертизата, со забелешка дека борбата за секоја позиција е исклучително тешка и предизвикувачка, особено кога сте помал партнер, а уште повеќе кога сте Србин – истакнува министерот.

Според него, токму ваквата соработка предизвикува незадоволство кај СДСМ и ДУИ.

– Ни е јасно зошто овој вид соработка предизвикува нервоза кај СДСМ и ДУИ. Тие се навикнати на политиката на поделба и користењето на меѓуетничките тензии за зачувување на сопствените позиции. Кога ќе видат дека Србин е на чело на министерство, а јас бев и вицепремиер и тесно соработувам со стабилно мнозинство, тоа е кошмар за нив – нагласува Стоиљковиќ.

Во интервјуто тој се осврнува и на, како што наведува, односот кон инвестициите што доаѓаат од Србија.

– Покрај тоа, нивниот став кон инвестициите што доаѓаат од Србија е незамислив за нормални луѓе. Вие во Србија дури и не сте свесни за кампањата против влегувањето на, на пример, „Телеком“ или Алта банка. Беше болно да се читаат статиите во весниците и да се гледаат нивните настапи… – изјави Стоиљковиќ.

Дел од интервјуто во продолжение:

Вашиот избор за министер за локална самоуправа за време на неодамнешната реконструкција на владата од страна на Христијан Мицкоски беше пречекан со силен отпор од опозицијата (СДСМ и ДУИ). Јасно ви е доделено позначајно ресор од она што го имавте.

Од потпишувањето на Охридскиот рамковен договор во 2001 година, локалната самоуправа стана основа на политичкиот систем. Децентрализацијата не беше само административна реформа, туку политички компромис што овозможи поголемо вклучување на сите заедници во донесувањето одлуки, зајакнување на улогата на општините и пренесување на значајни надлежности на локално ниво. Затоа, ова министерство е чувар на системот, обезбедувајќи институционална рамнотежа и спречувајќи маргинализација на сите заедници. Во земја каде што меѓуетничките односи се исклучително чувствителни, секоја промена во ова ресор има многу подлабоки последици отколку што јавноста препознава на прв поглед.

Вториот голем предизвик е демографски. Како и повеќето земји од Западен Балкан, Македонија се соочува со интензивна емиграција и концентрација на капитал и институции во главниот град. Овој процес постепено ги празни помалите градови и руралните средини. Локалната самоуправа е првата линија на одбрана тука: нејзина задача е да создаде услови за нови инвестиции, развој на инфраструктурата, создавање работни места и задржување на младите.

Дополнително, Министерството има стратешка улога во спроведувањето на европските политики за развој. Преку програмите за прекугранична соработка со Србија, Грција, Бугарија и Албанија, преку ИПА фондовите на Европската Унија, се спроведуваат бројни инфраструктурни, туристички и еколошки проекти…

Дали сега има повеќе превирања во Парламентот поради сето ова отколку пред две години кога првпат влеговте во Владата, како министер за заедници?

Реакцијата и отпорот на дел од Македонската опозиција во врска со мојот избор на оваа позиција, за жал, се сведува исклучиво на моето национално потекло. Наративот што го промовираат СДСМ и ДУИ – дека член на српскиот народ не треба да биде на чело на овој ресор – и не само тоа, туку дека учеството на Србите во владата воопшто е доведено во прашање – е чисто политичко лицемерие. Парадоксално е што партиите што декларативно се повикуваат на мултиетничност, европски вредности и на Охридскиот договор директно го кршат духот на сите принципи во кои се колнат.

Моето назначување не е „отстапка“, туку легитимно политичко учество, врз основа на изборните резултати на Демократската партија на Србите во Македонија, која ја предводам, со јасна цел да ја гради, а не да ја распарчува државата. Владата на Христијан Мицкоски го препознава ова. Искрено, не секогаш, но се обидуваме да бидеме сигурен и лојален партнер, а доколку е потребно и непријатен противник.

Дали навистина се чувствувате како гувернер на 80 македонски општини, како што ве нарече пратеникот на СДСМ во дебатата затоа што сте член на „српскиот свет“?

Според неговата реторика – и повеќе од тоа.

И што точно ги мачи?

Ги мачи само присуството на Срби. Не можете ни да го разберете тоа… Дебатата за реконструкција на Владата се водеше само за еден човек, мене. Тука, критиката кон Владата две години беше сведена на моето учество во Владата. Јас сум единствената разлика од она што се квалификува како политика на владите од порано и сега. Секогаш е исто.

The post СДСМ ГИ СМЕТА СРБИТЕ ВО МАКЕДОНИЈА ЗА ГРАЃАНИ ОД ВТОР РЕД Стоиљковиќ објасни зошто е кошмар за опозицијата appeared first on plusinfo.mk.

Франција од почетокот на сезоната на шумски пожари регистрирала околу 14.000 пожари, а безбедносните служби уапсиле повеќе од 400 лица поради сомневања за намерно предизвикување пожари или пожари предизвикани од невнимание, соопшти францускиот министер за внатрешни работи Лоран Нуњез.

Според телевизијата „BFMTV“, Нуњез информираше дека досега се уапсени 402 лица, од кои дел се осомничени за намерно предизвикување пожари, а дел за невнимание кое довело до избувнување на огнена стихија.

Меѓу уапсените има 156 малолетници, додека 36 лица се задржани во притвор.

Пожарите во департманите Жиронда и Од се ставени под контрола, но во департманот Вар пожарникарите и понатаму се борат со ширењето на огнот.

Министерот Нуњез изјави дека пожарот во Вар е „најдолгиот шумски пожар некогаш регистриран“ во тој департман, бидејќи активен е веќе 15 дена.

Во гаснењето учествуваат околу 1.250 пожарникари, со поддршка од два авиона „Канадер“ и два хеликоптери за гаснење пожари.

Во меѓувреме, предупредувањето за опасност од пожари во департманот Жиронда е намалено од највисокото, црвено ниво, на портокалово.

The post НАД 14.000 ПОЖАРИ И СТОТИЦИ УАПСЕНИ Француските пожарникари со денови се на терен appeared first on plusinfo.mk.

Политиките за привлекување нови авиокомпании и отворање нови авиолинии веќе даваат резултати, а македонските аеродроми бележат значителен раст во бројот на патници и реализирани летови, изјави вицепремиерот и министер за транспорт Александар Николоски.

Во гостувањето во емисијата „Вести плус“ на Канал 5, Николоски посочи дека субвенционирањето и привлекувањето нови авиопревозници придонесуваат за зголемување на авиосообраќајот, што, според него, има позитивно влијание врз туризмот, бизнисот и економијата.

– Почнавме една доста паметна политика на субвенционирање и привлекување нови авиолинии и нови компании кои ќе оперираат од Македонија. Од друга страна, тука е и силната поддршка за туризмот. Денеска излегоа две исклучително важни бројки – рече Николоски.

Тој информираше дека Охридскиот аеродром во еден месец опслужил 52.500 патници, што, според него, претставува раст од 41 отсто во однос на истиот период минатата година.

– Дополнително, на 20 јули се реализирани повеќе од 20 летови во еден ден, што е апсолутен рекорд за овој аеродром – додаде министерот.

Според Николоски, и Меѓународниот аеродром Скопје бележи високи резултати.

– Во Скопје, само во јули се опслужени 409.000 патници и реализирани се 2.670 летови. На 20 јули беа реализирани 101 лет во текот на еден ден, што е нов апсолутен рекорд за Скопскиот аеродром – изјави тој.

Министерот очекува трендот да продолжи и Македонија во иднина да достигне четири милиони патници годишно.

– Ако продолжиме со ова темпо, многу брзо ќе достигнеме бројка од четири милиони патници годишно, нешто што до пред неколку години беше незамисливо за Македонија – рече Николоски.

Тој додаде дека зголемениот број патници значи повеќе туристи, деловни посетители и поголема потрошувачка во земјата.

– Ова се реални бројки на луѓе кои доаѓаат во земјата, престојуваат, трошат средства за туризам и бизнис, а ефектите директно се чувствуваат преку раздвижувањето на целокупната економија – изјави Николоски.

The post РЕКОРДИ НА МАКЕДОНСКИТЕ АЕРОДРОМИ Над 460.000 патници за само еден месец appeared first on plusinfo.mk.

Најтешката делница од автопатот Кичево–Охрид, во должина од околу 10 километри, треба да биде пуштена во употреба во следните месеци, додека целосното завршување на целиот автопат е планирано за мај следната година, најави вицепремиерот и министер за транспорт Александар Николоски.

Во гостувањето во емисијата „Вести плус“ на Канал 5 телевизија, Николоски посочи дека најголем дел од капацитетите на Министерството за транспорт во моментов се насочени кон овој проект поради бројните проблеми со кои бил наследен.

– Очекувам во следните месеци да биде пуштена најтешката делница од 10 километри, каде што има галерии, мостови, вијадукти и каде што е тунелот кој ќе биде најдолг во државата. Едната цевка е долга 2 километри, а другата 2 километри и 100 метри. Очекувам оваа делница да биде пуштена во следните месеци и со тоа постепено да се комплетира автопатот Охрид–Кичево – изјави Николоски.

Тој оцени дека автопатот Кичево–Охрид останува најголемиот предизвик за Министерството за транспорт.

– Околу 80 проценти од времето и енергијата ги трошиме на Охрид–Кичево, а 20 проценти на сите останати проекти. Го наследивме со толку многу проблеми што бара секојдневен ангажман, но сега веќе се гледаат резултатите – рече Николоски.

Министерот се осврна и на капиталните инвестиции во инфраструктурата, посочувајќи дека градежништвото и транспортот се меѓу главните двигатели на економскиот раст.

– Во моментот само во општините имаме проекти финансирани од Владата со повеќе од 1.200 активни градилишта. Ако на тоа се додадат шест автопати кои паралелно се градат во државата, што никогаш во историјата не се случило, како и интензивната работа на железничкиот Коридор 8, подготовките за Коридорот 10 и инвестициите во аеродромите, тогаш имаме заокружена слика на силни капитални инвестиции кои придонесуваат за економскиот раст – изјави Николоски.

Во однос на изградбата на железничкиот Коридор 8 и поврзувањето со Бугарија, тој информираше дека на неодамнешниот меѓуресорски состанок во Софија било потпишано заедничко писмо до Европската инвестициска банка (ЕИБ) и Европската банка за обнова и развој (ЕБОР) за финансирање на заедничкиот тунел.

Според Николоски, со ова се надминува проблемот со претходниот тендер.

– Само што беше избрана оваа Влада во јуни 2024 година, наидовме на отворена тендерска постапка за третата фаза од железничкото поврзување со Бугарија, во која дел беше и тунел до половина. Тоа ќе беше првпат во историјата да се тендерира тунел до половина, затоа што тунелот е цевка која оди низ планината – од едната страна се влегува, од другата се излегува – рече министерот.

Тој најави дека кон крајот на август во Скопје ќе се одржи нов состанок, а наскоро се очекува и распишување нов тендер за избор на изведувач за третата фаза.

За стратешкиот проект поддржан од Велика Британија, Николоски информираше дека студиите треба да бидат завршени до 31 август, по што ќе следи законската процедура, а почетокот на градежните активности се очекува во првите месеци од 2027 година.

The post ГОТОВ Е НАЈТЕШКИОТ ДЕЛ ОД АВТОПАТОТ ДО ОХРИД Делницата со мостови и тунели ќе биде пуштена наскоро appeared first on plusinfo.mk.