🎥 АКО ИЗГУБАТ РЕПУБЛИКАЦИТЕ АМЕРИКА ЌЕ ОДИ ВО ПЕКОЛОТ Трамп со жесток вовед во ноемвриските избори во САД

Американскиот претседател Доналд Трамп на конвенција на Републиканската партија во Далас синоќа упати силно предуредување до Американците за тоа што, според него, ќе се случи со САД ако републиканците ја изгубат контролата врз Конгресот на претстојните среднорочни избори на 3 ноември.

– Ако изгубиме, ќе ја изгубите границата. Ќе изгубите намалување на даноците. Ќе ја изгубите безбедноста. Ќе изгубите богатство. Нашата земја ќе помине низ пекол. Ќе поминете низ пекол, исто како пред две години – рече Трамп.

Trump tells voters in Dallas rally to ‘pretend that I’m on the ballot’ for midterm elections.

Like Modi, Trump is asking for votes in his name. pic.twitter.com/dYTTJACGfx

— News Arena India (@NewsArenaIndia) September 10, 2026

Тој повтори дека пред неговото враќање на власт САД биле предмет на потсмев во светот, додека сега, како што рече, никој повеќе не ѝ се смее на Америка.

Трамп ги претстави среднорочните избори во САД како своевиден референдум за неговата политика.

– Преправајте се дека сум на гласачкото ливче. Јас сум на гласачкото ливче. Само овој пат – рече тој.

Трамп порача дека републиканците мора да го променат моделот според кој партијата на претседателот честопати бележи слаби резултати на среднорочните избори. Рече дека „нема причина“ за тоа ако претседателот добро ја врши работата.

Тој најави дека лично ќе се приклучи на кампањата и ќе патува низ федералните држави каде што трките за Сенатот и Претставничкиот дом се неизвесни. Тој рече дека има околу 35 такви трки и дека ќе оди во секоја од нив, а во некои држави дури и двапати, како, на пример, во Тексас.

Трамп рече дека за помалку од две години повеќе од 20 милијарди долари инвестиции од странство пристигнале во Америка и дека оваа сума би можела да порасне дури и на 25 милијарди долари до крајот на две полни години мандат. Според него, првите две години од неговиот тековен мандат се „најуспешните две години во историјата на претседателството, финансиски и во други области“.

– Јас сум оној што го започна тоа. Јас сум тој – рече Трамп.

Ги обвини демократите дека им нудат на Американците „неуспешна, крајно левичарска агенда“ и ја опиша администрацијата на Џо Бајден како „четири години катастрофа, хаос и смрт“.

Голем дел од говорот на Трамп беше посветен на имиграцијата и границата со Мексико. Рече дека повеќе од 1.400 милји ѕид се изградени по границата и дека затоа резултатите во борбата против нелегалната имиграција сега се „најдобри досега“. Го повтори тврдењето дека 25 милиони луѓе влегле во земјата под Бајден, како и дека ниту еден нелегален мигрант не влегол на јужната граница во последните 16 месеци.

Во својот говор Трамп зборуваше за „радикалната левица“, „комунистите“ и „лажните медиуми“, тврдејќи дека тие би направиле сè за да ги сопрат републиканците.

– Ќе го победиме комунизмот во Америка и ќе гласаме за американска слобода – рече тој.

Trump ADMITS He Would BOW TO IRAN if They Had NUKES

Trump on Iran:
If Iran had a nuclear weapon, I would be calling the Supreme Leader.

I would be saying, “Mr. Supreme Leader, how are you, sir? Is there anything we can do for you?” pic.twitter.com/c81YwORoOd

— Ryan Rozbiani (@RyanRozbiani) September 10, 2026

Во говорот Трамп ја бранеше војната на САД против Иран.

Зборувајќи за тоа зошто верува дека Иран не смее да развива нуклеарно оружје, Трамп направи многу отворена споредба помеѓу ставот кон нуклеарно вооружена и ненуклеарна држава.

– Доколку тие имаа нуклеарно оружје, би го повикал Врховниот лидер и би рекол: „Господине Врховен лидере, како сте? Дали има нешто што можеме да направиме за вас“, наместо да ги бомбардирам до смрт. Не можеме да дозволиме Иран да има нуклеарно оружје. Многу е едноставно – рече Трамп.