📽️ МУ ГО „ИСПУКАА“ ТОБОГАНОТ НА ТРАМП ПРЕД ПОЛЕТУВАЊЕ Еве зошто се активирал системот за евакуација во авионот
Трамп прво рече дека станува збор за проверка, но извори открија дека член на воениот екипаж случајно го активирал тобоганот. Претседателот околу 20 минути чекаше во „Марин уан“.
Член на американскиот воен екипаж случајно го активирал тобоганот за итна евакуација на новиот претседателски авион, непосредно пред Доналд Трамп да се качи во леталото.
Огромниот тобоган се отворил на пистата, Трамп останал околу 20 минути во хеликоптерот „Марин уан“, а полетувањето за Далас доцнели. Ројтерс и Си-Би-Ес ја потврдија причината преку извори запознаени со инцидентот.
– Не, го провериле (тобоганот) порано и само сакале да се уверат. Сакаат да се осигурат дека сè работи совршено – рече Трамп пред новинарите кога конечно излезе на пистата.
Новинарите го прашаа и дали е сигурен дека авионот е безбеден за лет.
– Да, инаку не би бил во него – одговори Трамп.
Тобоганот замина со пикап
Зад сцената, сепак, не се одвиваше рутинска проверка. Извори на Ројтерс и на Си-Би-Ес велат дека воено лице случајно го активирало системот.
Екипите го испуштија воздухот од активираниот тобоган и го отстранија од авионот. Снимките покажаа како работниците го изнесуваат од пистата.
Боингот 747-8 вообичаено има 12 тобогани за итна евакуација. Тие овозможуваат патниците безбедно да се спуштат од височина од околу девет метри. Авионот потоа полета без инцидент и стигна во Тексас.
What if the plane you were about to board had a mind of its own?#AirForceOne #Trump #Military #Boeing #Malfunction #BreakingNewsUSA pic.twitter.com/efqdbeZo2n
— JQJO USA Politics English (@teamjqjo) September 10, 2026
Подарок вреден 400 милиони долари
Инцидентот привлече поголемо внимание и поради необичната историја на авионот. Леталото Боинг 747-8 е подарок од Катар за САД, а неговата вредност се проценува на околу 400 милиони долари. Трамп почна да лета со него на 1 јули, откако американските власти забрзано го приспособија за претседателски потреби.
За време на самитот на НАТО во Турција, американските служби добија информации за веродостојна закана со проектил. Трамп затоа ја напушти Турција со постариот претседателски авион.
Новиот авион повторно ќе биде повлечен од употреба во октомври. Трамп најави дополнителни безбедносни надградби кои треба да траат околу 60 дена.
