📽️ ЏЕJ ЛО БУКВАЛНО КРВАРИ НА СЦЕНА Лопез се повреди за време на настап и додека ѝ течеше крв од раката, продолжи да пее
Џенифер Лопез се повреди на сцената, но продолжи да пее и покрај крвта што ѝ течеше од подлактицата. Фановите ја пофалија нејзината професионалност.
Џенифер Лопез се повреди за време на настап на сцената, но наместо да ја прекине песната, продолжи да пее до крај. На снимката што се шири на социјалните мрежи се гледа како крв ѝ тече по подлактицата, додека таа мирно го продолжува настапот.
@justanotherjlofan @JLO literally cut her arm on stage and kept performing like the queen she is… 🔥👑 Jennifer Lopez IS A QUEEN and a such an amazing and professional performer ✨ #jlo #jenniferlopez #jlovers #concert
Според наводите што ги пренесуваат медиумите, пејачката се повредила додека ја изведувала песната „Ain’t It Funny“. Се претпоставува дека до исекотината дошло во текот на кореографијата, од костимот украсен со кристали.
Иако повредата изгледа непријатно, Лопез не покажува паника. Таа продолжила да пее и ја завршила песната, а дури потоа се погрижила за раната.
Видеото го објави обожавател, кој ја пофали нејзината реакција и професионалност. Во коментарите, фановите истакнуваат дека пејачката покажала голема присебност и посветеност кон публиката.
Не е прецизирано кога точно е снимена сцената. Според достапните наводи, снимката најверојатно потекнува од нејзината турнеја „Up All Night“, која опфати настапи во Европа, Азија и Африка, а потоа и концертна резиденција во Лас Вегас.