📽️ ХАОС НА УЛИЦИТЕ ВО ДВЕ ЕВРОПСКИ ЗЕМЈИ, НЕМИРИТЕ ЕСКАЛИРАА Судири во Париз, Берлин, Хамбург и Келн

Протестите против високите трошоци за живот и состојбите во образованието во Франција во саботата ескалираа во судири со полицијата во неколку градови. Во Германија, пак, демонстрациите на младинското движење „Gen Z regelt“ беа проследени со инциденти, пиротехника и полициски интервенции.

Во Франција, според Министерството за внатрешни работи, на протестите низ земјата учествувале околу 320.000 луѓе, од кои 70.000 во Париз. Демонстрациите се одржаа трет викенд по ред, а незадоволството првично беше насочено кон недостигот од наставен кадар и опрема во училиштата, како и кон лошите услови во образовните установи. Подоцна им се приклучија и други групи, кои протестираат поради растот на трошоците за живот.

 

Plusieurs cocktails molotov jetés contre les forces de l’ordre à Paris.

Situation très tendue porte de Charenton.

#31octobre #Paris https://t.co/G32fnaDICG

— Luc Auffret (@LucAuffret) October 31, 2026

По претежно мирниот почеток, тензиите се зголемија во текот на попладнето. Полицијата употреби солзавец во Париз и Лион, а во неколку градови беа регистрирани судири со демонстрантите.

 

Police in Paris have deployed tear gas on around 15,000 demonstrators in the French capital, where protests have started to turn violent.

Sky’s @AliBunkallSKY reports from Paris.

https://t.co/OpUd32Llv9

📺 Sky 501, Virgin 602, Freeview 233 and YouTube https://t.co/uwL33QTder

— Sky News (@SkyNews) October 31, 2026

Во француската престолнина, според медиумските извештаи и снимките од местото на настанот, биле фрлани запаливи направи кон полициските сили. На снимките што ги објави телевизијата „BFMTV“ се гледаат експлозии од пиротехнички средства и демонстранти кои фрлаат предмети кон интервентната полиција.

 

Police officers engulfed in flames after molotov cocktail thrown in Paris. https://t.co/NvtxP1bSiV

— World Source News (@Worldsource24) October 31, 2026

Судири биле пријавени и во Марсеј, Рен и Тулуз. Во Марсеј на улиците гореле предмети, поради што интервенирале пожарникари, додека во Рен биле фрлани проектили кон полицајците, според локалните власти.

Француското Министерство за внатрешни работи соопшти дека во протестите учествувале 320.000 луѓе, а повеќе од 290 лица биле приведени. За одржување на редот низ земјата биле распоредени околу 70.000 полицајци и припадници на безбедносните сили.

 

Протестите ги организирале синдикати, училишни и студентски организации, како и движењето „Жолти елеци“, кое се појави во Франција во 2018 година.

 

Smoke Bombs Reported at Hamburg Protest in Germany as Riot Police Gather – Video https://t.co/otki1ZkN8U

https://t.co/QkVFSpxNwn

— Cedar News (@cedar_news) October 31, 2026

Во Германија, демонстрациите на младинското движење „Gen Z regelt“ се одржаа во повеќе од 30 градови. Организаторите повикаа на мирни протести, барајќи поголеми инвестиции во образованието и здравството, подобри услови за младите, социјална правда и мерки за справување со растечките трошоци за живот.

Движењето се спротивставува и на повторното воведување задолжителна воена служба, како и на проширувањето на државниот надзор.

И покрај повиците за мирни демонстрации, во неколку градови избувнаа инциденти. Најсериозни судири биле пријавени во Берлин, Франкфурт, Хамбург, Келн и Штутгарт.

Во Берлин полицијата интервенирала повеќепати, користејќи бибер-спреј и приведувајќи учесници во немирите. Во Франкфурт бил повреден еден полицаец, откако кон безбедносните сили биле фрлани камења и пиротехнички средства. Полицијата потоа употребила водени топови за да ја растера толпата.

 

Police are using water cannons against protesters in Cologne, Germany. Officers directed the water cannons at the crowd during the “Gen Z regelt” youth demonstration held today, forcing participants to flee. https://t.co/jsINjVbMen

— 𝕃𝕦𝕔𝕚𝕒𝕟𝕠 𝕃𝕦𝕝𝕫 (@altrella_l) October 31, 2026

Водени топови биле употребени и во Келн, каде што демонстрантите фрлале камења и пиротехнички средства кон полицајците. Во Хамбург биле запалени барикади, а полицијата употребила бибер-спреј против дел од учесниците кои фрлале предмети кон безбедносните сили.

Претставникот на германскиот федерален полициски синдикат, Андреас Роскопф, за весникот „Rheinische Post“ изјавил дека протестите на „Gen Z regelt“ во најголем дел биле мирни, но дека ситуацијата се влошила по нивното официјално завршување, кога во инцидентите се вклучиле и припадници на маргинални групи.

 

#Berlin, #Berlinprotest, #GenZregelt 31 October 2026 Platz des 18. März https://t.co/v0epT4XlMG

— FrontierTrip (@FrontierTrip) October 31, 2026

Според податоците објавени од германските медиуми, на протестите низ земјата се собрале десетици илјади луѓе. Организаторите претходно соопштија дека повеќе од 160.000 лица се регистрирале за учество во демонстрациите во околу 30 градови.

 

🇩🇪‼️🚨 HAMBURG BARRICADES BURN AFTER GEN Z MARCH

Masked rioters tore apart a construction site on Steindamm, set barricades on fire and hurled firecrackers, stones and fencing at police, who hit back with pepper spray and water cannons.

Police say about 6,700 joined the anti-conscription “Gen Z regelt” march, one of 30+ across Germany today. It was declared over around 5 PM.

Halloween riots! Yay, schoolboys want more books! https://t.co/2nHqUgH7qB

— Lord Bebo (@MyLordBebo) October 31, 2026

Иницијативата „Gen Z regelt“ најави дека ќе се приклучи на паневропските протести планирани за 20 ноември.