📽️ ГЕНЕРАЦИЈАТА „З“ ИЗЛЕГУВА НА УЛИЦА Скапотијата ги обедини младите во Франција, Германија и Холандија

Младите во три европски држави се подготвуваат за масовни протести поради високите трошоци за живот, социјалните неправди и незадоволството од образовниот систем. Франција, Холандија и Германија се во зголемена безбедносна готовност, а властите стравуваат дека демонстрациите би можеле да прераснат во насилни немири.

Во Франција, Холандија и Германија за денеска се најавени протести на припадниците на генерацијата „З“, поради што полицијата во повеќе градови ги засили безбедносните мерки. Особено сериозни се подготовките во Франција, каде што за обезбедување на протестите се ангажирани околу 70.000 полицајци и жандарми.

Средношколци и студенти во Франција се повикани денеска да им се приклучат на синдикатите и движењето „Жолти елеци“ во нов ден на мобилизација против високите трошоци за живот.

Синдикатот „CGT“ и движењето „Жолти елеци“ побарале протестната поворка да се движи од плоштадот Бастилја до Плоштадот на нацијата во Париз. Полицијата првично ја забранила оваа маршрута, по што демонстрантите поднеле жалба до Управниот суд. Судот ја одобрил трасата, но полициските власти се жалеле до Државниот совет, кој ја поништил одлуката.

 

🚨🇫🇷Breaking: Protest departure in Clermont-Ferrand

Massive Riots are expected today in #France

#31octobre https://t.co/BPjPEpT6g1

— World_Breaking_News03 (@Breaking2003) October 31, 2026

Според „Le Figaro“, конечната одобрена маршрута е од Порт де Бањоле до Порт де Шарантон, на периферијата на француската престолнина.

Францускиот министер за внатрешни работи Лоран Нуњез соопшти дека за денот со висок безбедносен ризик се мобилизирани околу 70.000 полицајци и жандарми. Во Париз се затворени повеќе од 40 метро-станици, а полицискиот час е на сила во текот на целиот викенд.

Париската полиција очекува меѓу 100.000 и 150.000 демонстранти и предупредува на можни немири. Во безбедносните процени се споменува и ризик од присуство на 300 до 600 активисти на крајната левица, како и од вклучување групи млади од работничките населби во предградијата.

 

🇫🇷 FLASH – Plusieurs centaines de personnes convergent vers la porte de Bagnolet, à Paris, pour le troisième acte de mobilisation. https://t.co/Skn9dSJNON

— Media Express (@media_express_e) October 31, 2026

Властите стравуваат и од блокирање на париската обиколница, упади во сообраќајни објекти и напади врз одредени државни институции.

И холандските власти се подготвуваат за можни протести и немири. Министерот за внатрешни работи Питер Херма предупреди на алармантни информации што кружат во медиумите и на социјалните мрежи за можни планови на младите за насилни демонстрации во повеќе градови во текот на викендот.

Според холандските медиуми, во групи за разговор наменети за генерацијата „З“ се шират повици за јавни нереди и вандализам.

Херма ги повика младите да го искористат правото на протест, но да не дозволат да бидат вовлечени во насилство.

– Протестирањето е дозволено во оваа земја и тоа е големо достигнување. Но, однесувајте се соодветно и внимавајте да не бидете вовлечени во немири – порача тој.

 

🚨🇳🇱 Meanwhile at The Hague, Holland

Shops, homes and businesses are boarding up ready for protests which will inevitably turn into violent riots

It’s not just Holland – these Soros sponsored protests are infecting Western Europe – all by design https://t.co/sqoyBRXdXP

— Concerned Citizen (@BGatesIsaPyscho) October 31, 2026

Холандскиот премиер Роб Јетен изјави дека очекува градоначалниците и полицијата темелно да се подготват за викендот да помине мирно.

Можни демонстрации се најавени во Хаг и Мастрихт, а полицијата во провинцијата Лимбург соопшти дека ги следи пораките што се објавуваат на социјалните мрежи. Националниот студентски сојуз ги повика студентите да не учествуваат во евентуалните немири.

Во Германија се најавени демонстрации на генерацијата „З“ против, како што наведуваат организаторите, уништениот образовен систем, растечките трошоци за живот и социјалните неправди.

Протести се најавени во Берлин, Хамбург, Франкфурт на Мајна, Минхен и Келн. Поради стравувањата дека демонстрациите би можеле да ескалираат, најавено е распоредување илјадници полицајци.

Во повеќе германски градови излозите на продавниците веќе се заштитени со дрвени плочи. Дел од продавниците, луксузните бутици и златарниците најавиле дека нема да ги отворат своите објекти, стравувајќи од насилство и грабежи слични на оние за време на протестите во Франција.

 

Seid alle vorbereitet vor dem bevorstehenden geplanten Chaos

Zusendung

🇩🇪Aktuell in Köln: Menschen versammeln sich zu einer Demonstration. https://t.co/gmsgcVG1O4

— Lion Leonidas (@LionLeonidas3) October 31, 2026

Германската полиција засега нема конкретни докази дека протестите ќе прераснат во насилство, но сериозно ги сфаќа заканите што се шират на интернет. Особена загриженост предизвикуваат списоците со продавници и брендови што би можеле да бидат цел на грабежи.

Претседателот на Германскиот полициски синдикат, Хајко Тегац, предупреди дека постои реален ризик насилни лица и екстремистички групи намерно да се инфилтрираат меѓу демонстрантите.

Тој посочи дека посебна опасност претставуваат вечерните часови, особено поради тоа што протестите се одржуваат на Ноќта на вештерките, кога учесниците би можеле да го искористат маскирањето за да го прикријат својот идентитет.

 

🇩🇪 🚨 BREAKING: Police cordon off Berlin’s Brandenburg Gate ahead of mass youth protest
Over 154,000 people registered for today’s rally against education and social cuts and mandatory military service. Officers fenced off the square.
#Berlin #GenZProtest https://t.co/Bgkmu0yKZH

— Notif News (@NotifNews1) October 31, 2026

Сепак, најголемиот германски осигурител за компании, „Allianz“, очекува демонстрациите главно да поминат мирно.