🎥 РОБЕРТ ДЕ НИРО ЈА ДОНЕСЕ СВОЈАТА ДЕВОЈКА НА ПРЕМИЕРА НА ФИЛМОТ Не беа сами на црвениот тепих, нивните неочекувани гости ги воодушевија сите

Роберт де Ниро за свечената прилика се појави во елегантен црн костум со темно сив џемпер, а својот стајлинг го комплетираше со портокалови наочари.

260

Легендарниот холивудски актер Роберт де Ниро (81) се појави со својата партнерка Тифани Чен (46) на премиерата на неговиот најнов филм „The Alto Knights“ во Њујорк, меѓутоа, тие не беа сами на црвениот тепих, пишува шпанска „Марка“.

Ним им се придружија и нивните миленици, кучињата, кои исто така го направија своето актерско деби во овој биографски криминалистички трилер.






Премиерата на филмот во режија на Бери Левинсон и сценариото на Николас Пилеги го привлече вниманието на бројни гости.

Роберт де Ниро игра двојна улога во филмот. Тој игра двајца италијанско-американски мафијашки шефови од 1950-тите: Вито Џеновезе и Франко Костело.

Де Ниро за свечената пригода се појави во елегантен црн костум со темно сив џемпер, а својот стајлинг го комплетираше со портокалови очила.

Тифани Чен се одлучи за црн кадифен костум и цело време ги држеше нивните кучиња во рацете.


Интересна приказна од овој филм се однесува на кучињата на Роберт де Ниро и Тифани Чен.

Имено, Де Ниро минатата недела во „The One Show“ откри дека нивните кучиња морале да бидат на аудиција за да го добијат своето место во филмот.

– Сценариото пишуваше дека еден од ликовите има кучиња, па мојата девојка Тифани предложи да ги вклучиме нашите кучиња. Го прашав директорот Бери Левинсон и го запознав со нашите кучиња. Бери ги виде, му се допаднаа и рече: „Во ред“ – раскажал Де Ниро.

Но, тоа не бил крајот на приказната. Де Ниро откри дека подоцна морале да разговараат како кучињата ќе бидат облечени за нивната филмска сцена, што го направило уште позабавно.

Роберт и Тифани се запознале во 2015 година на снимањето на филмот „The Intern“, во кој Де Ниро ја игра главната улога заедно со Ен Хатавеј. Тифани Чен била ангажирана како таи чи инструкторка за да го подготви Де Ниро за одредени сцени. За време на соработката се развило пријателство кое подоцна прераснало во романтична врска.

Тие почнаа да се гледаат неколку години откако Де Ниро се разведе од поранешната сопруга Грејс Хајтауер, со која има две деца.

Веста за нивната врска стана јавна во 2021 година, кога папараците ги фотографираа на заеднички одмори и вечери во Њујорк.

Во мај 2023 година, Де Ниро потврди дека тој и Тифани Чен го добиле нивното прво дете, ќерката Гиа Вирџинија Чан-Де Ниро.

На славниот актер ова му е седмо дете, а првпат заедно станаа родители.

 

Поврзани содржини