Мартенс: Со Царовска ќе ги разјаснам нејасноитиите во мерките за коронавирусот

Патрик Мартенс, директор на Делегацијата на германското стопанство во своетот денешно обраќање бара појаснување во врска со мерките на владата поврзани со актуелната криза со коронавирусот. Тој најавува средба со вицепремиероката Мила Царовска на која ќе разгфовараат за клучните прашања на стопанството.

Според него, не е јасно дали државата или компанијата ќе продолжи да ги исплаќа платите доколку вработениот отсуствува од работното место, доколку компанијата му понуди на членот на семејството флексибилно и поволно за семејството работно време или работа во смени.

–  Отворено е и прашањето во врска со заканата за преземање на казнени мерки поради непочитување на мерките кое треба да се разгледа и од аспект на егзистенција на компаниите – вели Мартенс.

Мартенс информира и дека Германската комора за индустрија и трговија (ДИХК) ги објавила резултатите од истражувањето за ефектите од коронавирусот врз германската економија.

Резултатите од анкетата укажуваат на тоа дека ефектите од вирусот влијаат врз германската економија. Во меѓувреме се откажани саеми, манифестации, настани и патувања, а вработените се праќаат во карантин.Надворешната трговија, особено со Кина, изминатите неколку недели е во застој. Како резултат на вирусот корона скоро секоја втора компанија во Германија очекува намалување на продажбата во 2020 година. Покрај падот на продажбата, компаниите се соочуваат и со застој во оперативните процеси.

– 70 проценти од компаниите веќе презедоа заштитни мерки за своите вработени против вирусот корона. 60 проценти од компаниите имаат потреба да бидат информирани во однос на континуитетот на исплатата на плати. 45 проценти од компаниите не се чувствуваат подготвени за справување со заразени, но и со можни сомнителни случаи во компанијата – информира Мартенс.

Од гледна точка на компаниите потребно е да се преземат конкретни мерки поврзани со економската политика со цел задржување на персоналот како и ликвидноста на компаниите.