📽️ 📷 КАМПЕР СЕ ЗАБИ ВО АВТОБУС, ШЕСТ ЛИЦА ЗАГИНАА Спасувачите затекнале страшна глетка, повредени се 34 патници
Во тешка сообраќајна несреќа во регионот Умбрија загинаа шест лица, а 34 се повредени откако кампер преминал во спротивната лента и се судрил со туристички автобус.
Шест лица загинаа, а најмалку 34 се повредени во тешка сообраќајна несреќа што се случи во една од омилените туристички дестинации во Италија.
Несреќата се случила во регионот Умбрија, кога кампер од засега непознати причини преминал во спротивната сообраќајна лента и директно се судрил со туристички автобус. По ударот, во автобусот удриле уште три автомобили, чии возачи не успеале навреме да закочат.
Трагедијата се случила во неделата вечерта на државниот пат „SS79“, меѓу градовите Терни и Риети.
Од силината на ударот, камперот бил целосно уништен, а фотографиите од местото на несреќата покажуваат тешко оштетен автобус, искршени предни стакла, откинати влезни врати и делови од возилата расфрлани по патот.
Fuerte colisión entre autobús y autocaravana causó múltiples muertos en Italia
Seis personas han muerto y 30 han resultado heridas este domingo al colisionar un autobús y una autocaravana en una carretera estatal de la provincia de Rieti (región de Lazio, centro de Italia), en… pic.twitter.com/54ZyA2XejZ
— NotiExpresColor (@NotiExpressColo) August 3, 2026
На местото веднаш пристигнале голем број екипи на итната медицинска помош, а повеќе тешко повредени лица биле транспортирани со хеликоптери до блиските болници.
Шест лица се во критична состојба, додека уште две лица се здобиле со тешки повреди. Меѓу повредените, според италијанскиот јавен сервис РАИ, има и едно дете.
Според италијанските медиуми, на местото на несреќата загинале шест лица – двајцата возачи и четворица патници. Од нив, двајца биле патници во камперот, а двајца во туристичкиот автобус. Идентитетите на загинатите засега не се објавени.
Патниците од автобусот патувале кон познатите водопади Марморе, вештачки водопади изградени уште во времето на старите Римјани, додека патниците од камперот се враќале од Терни.
Претседателката на регионот Умбрија, Стефанија Прожети, изјави дека спасувачките екипи по пристигнувањето на местото на несреќата се соочиле со „незамислива глетка која долго ќе ги прогонува“.
⚫️ Il bilancio del maxi-incidente avvenuto ieri sera sulla strada statale 79 bis “Ternana” Terni-Rieti, nel territorio di Colli sul Velino (RI), è salito a 7 morti e 34 feriti.
Coinvolti un camper che si è scontrato con un autobus coinvolgendo poi anche due auto. https://t.co/8644BtV3c5 pic.twitter.com/a9jJ4oM3GP
— Italia 24H Live 🔴 – Notizie dall’Italia (@Italia24HLive) August 3, 2026
– Тоа беше голема и катастрофална вонредна состојба. Веднаш ги активиравме сите соодветни протоколи, уште пред екипите на итната помош да пристигнат на местото – изјави Прожети.
Таа им оддаде признание на спасувачите кои интервенирале во исклучително тешки услови, како и на повредените и нивните семејства.
– Изразуваме најдлабоко сочувство до семејствата на загинатите – порача претседателката на регионот.
Италијанската полиција отвори истрага за да се утврдат причините за несреќата. Патот бил затворен додека траела спасувачката операција и отстранувањето на уништените возила.
RIETI: Scontro tra cinque veicoli sulla statale 79 a Colli sul Velino: 6 morti e 27 feriti | Coinvolti un autobus, un camper e tre automobili pic.twitter.com/4q0W9qMBRO
— BreakingItalyNews (@BreakingItalyNe) August 2, 2026
Несреќата се случила за време на првиот викенд од летните одмори во Италија, кој локалните медиуми го нарекоа „црн викенд“ поради големиот број сообраќајни несреќи.
Според податоците на опсерваторијата „Sapidata-Asaps“, од петокот до неделата во сообраќајни несреќи низ Италија загинале најмалку 31 лице.
Меѓу жртвите има и 14-годишно девојче и двајца 17-годишни млади мажи.