ЕСКАЛИРАШЕ СЕМЕЈНА ДРАМА ВО ЧЕЛОПЕЦИ Маж со лопата и нож се нафрлил на полиција
По пријава за семејно насилство во Челопеци, 48-годишник се обидел да нападне полицајци со лопата и нож, по што бил приведен.
Во кичевското село Челопеци, полициски службеници привеле 48-годишен маж откако бил пријавен за семејно насилство и потоа се обидел да ги нападне полицајците кои пристигнале на интервенција.
Според информациите, случајот започнал во семејниот дом, каде што Ѓ.Р. од истото село бил агресивен кон членови на неговото семејство. По пријавата, на местото пристигнала полиција која започнала со службени дејствија.
Можеби ќе ве интересира
Во тој момент, осомничениот реагирал насилно и прво се обидел да ги нападне полицајците со лопата, а потоа и со нож.
Полициските службеници го совладале и го лишиле од слобода, по што случајот бил целосно документиран.
Против него ќе биде поднесена соодветна кривична пријава.