ЌЕ ИМА ЛИ РЕАКЦИЈА? Дрворед заѕидан во ограда во Охрид

Граѓанската иницијатива Охрид СОС вчера објави слики на кои се гледа како дел од дрворедот кој води кон Горна Порта е заѕидан во ограда на имот на жител на Охрид.

„После асфалтирањето на дрвјата на угорницата кон Горна Порта пред извесно време, наши сограѓани посведочија и за заѕидување на дрворед, во непосредна близина. Ги повикуваме институциите да извршат увид на местото и да се утврди кој и зошто го направил ова“, напишаа во коментарот на Фејсбук од иницијативата Охрид СОС.