Можете ли да го потрошите богатството на Илон Маск за 30 секунди?
Играчите можат да избираат помеѓу помали артикли, како што е „Big Mac“ од „McDonald’s“ од 8 долари и претплатата од 18 долари „Netflix“, потоа има поскапи предмети, како што е часовникот „Rolex“ од 40.000 американски долари.
На Илон Маск му беа потребни децении да го собере своето богатство, проценето на повеќе од 160 милијарди долари. Нова онлајн игра ви овозможува да се обидете да го потрошите сето тоа за помалку од 30 секунди.
Играта, наречена „Spending Elon’s Money“, може да се игра бесплатно на веб-страницата на британската компанија за изнајмување автомобили „Leasing Options“.
Играчите започнуваат со вкупно 166 милијарди долари (последната проценка според „Bloomberg“ богатството на извршниот директор на „Tesla“ и „SpaceX“ е 157 милијарди долари). Тогаш им останува само половина минута да изберат помеѓу различни предмети што ќе ги „купат“ со огромното богатство на Маск, а по истекот на времето играта ја брои потрошената сума.
Играчите можат да избираат помеѓу помали артикли, како што е „Big Mac“ од „McDonald’s“ од 8 долари и претплатата од 18 долари „Netflix“, потоа има поскапи предмети, како што е часовникот „Rolex“ од 40.000 американски долари и стан во Њујорк од еден милион американски долари, 4,5 долари милион за приватен авион, па дури и лансирање на една од ракетите „Falcon 9“ на „SpaceX“, вредна 50 милиони долари.
„Можете да потрошите што сакате и онолку пати колку што сакате“, според упатствата на играта. Играчите дури можат да притискаат копчиња што им овозможуваат да купат по 10 или 15 од секоја ставка за да можат да трошат побрзо.
Меѓутоа, во рок од 30 секунди, без разлика колку брзо ќе изберете да лансирате ракета за 50 милиони долари, на крајот ќе завршите со десетици милијарди долари.
Целта на играта е „да покаже колку е огромно богатството на Маск“, изјавија за „CNBC“ од „Leasing Options“. Компанијата ги охрабрува играчите да ги споделат своите резултати на социјалните мрежи со линк што води назад кон нејзината веб-страница.