Двајца вицепремиери и четворица министри утре ќе се вакцинираат

Утре на пунктот во спортската сала „Борис Трајковски“, ќе се вакцинираат дел од министрите и вицепремиерите, објави Владата.

„Утре ќе се вакцинираат Фатмир Битиќи, заменик претседател на Владата задолжен за економски прашања, Никола Димитров заменик-претседател на Владата задолжен за европски прашања, Бујар Османи министер за надворешни работи, Бојан Маричиќ министер за правда, Фатмир Бесими министер за финансии, Крешник Бектеши министер за економија и Горан Милевски министер за локална самоуправа. По вакцинацијата, со почеток во 10:50 часот е предвидена изјава на заменик-претседателот на Владата задолжен за европски прашања – Никола Димитров и министерот за правда Бојан Маричиќ на платото пред вакциналниот пункт“, информираше Владата преку соопштение.