ДВАЈЦА ПОВРЕДЕНИ ВО СООБРАЌАЈКА НА БОРИС ТРАЈКОВСКИ Се судриле камион со полуприколка и два автомобила
Двајца скопјани на возраст од 29 и 48 години се повредени во судир на „МАН“ со полуприколка и два автомобила на булеварот Борис Трајковски.
Двајца скопјани се повредени во сообраќајна незгода што утрово се случила на булеварот Борис Трајковски во Скопје.
Во незгодата учествувале товарно возило „МАН“ со полуприколка, управувано од 59-годишниот К.Д. од Скопје, како и автомобилите „Сеат“, со кој управувал 29-годишниот Т.Р., и „Фолксваген пасат“, управуван од 48-годишниот А.Ј., двајцата од Скопје.
Можеби ќе ве интересира
Во судирот со повреди се здобиле Т.Р. и А.Ј., кои биле пренесени во ГОБ „Наум Охридски“, каде што им била укажана лекарска помош.
Несреќата се случила околу 6:50 часот, а околностите под кои дошло до судирот се утврдуваат. Поради сообраќајната незгода, отежнато се одвива сообраќајот на оваа делница од булеварот Борис Трајковски, каде во моментов има зголемена гужва.