Советници на ВМРО-ДПМНЕ: Езерото Треска е жртва на урбаната мафија заштитена од власта
Советниците од опозицијата го прашуваат градоначалникот од кога тоа корнење канделабри, рушење на објекти и кршење бетон преставува ревитализирање, а не грабеж?
Советничка група на ВМРО-ДПМНЕ денеска реагираше на случувањата околу езерото Треска. Тие сметаат дека сето тоа е резултат на целите на урбаната мафија која е заштитена од власта. Советниците, како што велат, стојат зад барањата на камперите и ќе побараат Советот на Град Скопје да расправа за случувањата.
Ја пренесуваме целата реакција:
„Езерото Треска пред очите на целата јавност станува жртва на урбаната мафија заштитена од власта.
Она што се случува во моментот таму е илигален грабеж и руинирање на она што преставува државна сопственост и заедничко добро на сите.
Градоначалникот Шилегов не ја кажува вистината и лаже кога се обидува таквиот грабеж да го престави како некое ревитализирање. Шилегов да каже од кога тоа корнење канделабри, рушење на објекти и кршење бетон преставува ревитализирање, а не грабеж.
Во моментот се случува руинирање на општествено добро за кој директна одговорност има Шилегов кој ветуваше враќање на стариот сјај на езерото.
Советничката група на ВМРО-ДПМНЕ и Коалицијата во целост ги поддржува барањата на авто камперите, и бара од градоначалниците на градот Скопје, општината Сарај и Владата решавање на овој проблем. Воедно во текот на денешниот ден Советничката група ќе побара на тековната седница Советот на град Скопје да расправа во однос на состојбата со езерото Треска.
Уништувањето на езерото Треска станува неславен заштитен знак на владеењето на Шилегов“.