Пад на странските директни инвестиции, инвеститори повлекле 46 милиони евра за шест месеци
Вкупните странски директни изнвестиции за шест месеци изнесуваат 122 милиони евра.
Во вториот квартал од годинава наместо прилив на пари од стрнаските директни инвестиции забележан е висок одлив на капитал, покажуваат податоците на Народната банка.
Вкупните директни инвестиции во земјата бележат нето-одливи од 9,3 милиони евра во вториот квартал. Одливот, како што појаснуваат од Народна Банка, е поради намалениот меѓукомпаниски долг за 78,6 милиони евра. Инвестициите во сопственички капитал изнесуваат 48,3 милиони евра, а реинвестираната добивка изнесува 21 милион евра.
Во првата половина од годината вкупните директни инвестиции во земјата изнесуваат 122,6 милиони евра. Во шесте месеци нето-приливи по сопственички капитал се 68,9 милиони евра, а реинвестирањето на добивката изнесува 99,8 милиони евра. Нето одливите за целиот период изнесуваат 46,1 милион евра.
