Заев: Можеби коронавирусот ќе не стави во поинаква кампања, но не и да ги одложи изборите
Важно е граѓаните да излезат и да гласаат, бидејќи успешноста на изборите не е иста дали ќе гласаат 45 отсто или 75 отсто од граѓаните
Лидерот на СДСМ, Зоран Заев одговарајќи на новинарско прашање рече дека не гледа можност да се одложат изборите и оти тоа не е добро.
Целта на утрешната лидерска средба кај премиерот Спасовски, како што кажа тој, е лидерите на поголемите политички партии да разговараат околу модалитетите на кампањата, каков вид кампања е дозволена и што е пропорачливо за да можат партиите да ги промовираат нивните програми, кандидати и визии, а при тоа да се испочитуваат сите државни задолженија и препораки за заштита од корона вирусот.
– Можеби корона вирусот ќе не стави во позиција да користиме некој поинаков вид кампања. Електронските медиуми и интернет можностите ни се на располагање. Верувам дека ќе допреме до граѓаните. Важно е да не чујат за да гласаат. Важно е граѓаните да излезат и да гласаат, бидејќи успешноста на изборите не е иста дали ќе гласаат 45 отсто или 75 отсто од граѓаните – посочи Заев.