Скандал на британскиот универзитет: Десетина жени тврдат дека биле силувани
Универзитетот во Сент Ендруз во Шкотска, еден од најстарите универзитети на светот, го тресе скандал откако повеќе од десетина жени тврдат дека биле жртви на силување и на други видови сексуални напади во неговиот кампус, а неколку од нив за нападите ги обвинуваат членовите на контроверзното братство, во американски стил.
Универзитетот, кој го посетувале и некои членови на британското кралско семејство, соопштил дека ќе соработува со полицијата на истражувањето на овие тврдења, кои се изнесени анонимно на Инстаграм-страницата на „St Andrews Survivors“ (Преживеани од Сент Ендруз), пренесува Си-ен-ен.
Повеќето обвиненија се на сметка на братството „Алфа Испилон Пи“, кое не е официјално друштво на универзитетот.
Огранокот на ова братство во Сент Ендруз суспендирало неколку свои членови по обвиненијата.
Овој престижен универзитет го посетувале принцот Вилијам и неговата сопруга, војвотката од Кембриџ, Кејт Мидлтон.