📽️ СЕЛЕНА ГОМЕЗ ПЛАЧЕ И ГО ОБВИНУВА ТРАМП ЗА СÈ „Посакувам да можам да направам нешто“

Селена Гомез, американска пејачка и актерка со мексиканско потекло, се расплака во видеото кое го објави на својата приказна на Инстаграм.

Таа е погодена од неодамнешните акции на новиот американски претседател Доналд Трамп, поточно депортацијата на мигрантите.

„Жал ми е“, напиша таа покрај емотиконот со мексиканско знаме.

„Сите мои луѓе се нападнати и децата. Не разбирам. Толку многу ми е жал. Посакувам да можам да направам нешто, но не можам. Не знам што да правам. Ќе се обидам сè, ветувам“, изјавила Селена.

Selena Gomez just posted a video crying about deportations, but deleted it after outrage from fans…. pic.twitter.com/xRTO8x4ND5

— End Wokeness (@EndWokeness) January 27, 2025

Актерката, која е родена во Тексас, неодамна проговори за миграцијата на нејзиното семејство во 1970-тите кога нејзината тетка ја преминала границата од Мексико во Америка скриена во задниот дел на камион.

„Недокументираната имиграција е прашање за кое размислувам секој ден и никогаш не заборавам колку сум среќна што сум роденa во оваа земја благодарение на моето семејство. Но, кога читам вести или дискусии за имиграцијата, чувствувам страв за оние кои се во слични ситуации. Се плашам за мојата земја“, рекла таа неодамна.

Пред да ја преземе функцијата, Трамп најави масовни депортации на мигранти без документи во Америка. Пресметката на државата врз мигрантите во неделата, на 26 јануари, резултираше со апсење на 956 лица, најмногу откако Трамп се врати на власт, според Имиграциската и царинската служба (ИЦЕ).

Инаку, Селена ја поддржа Камала Харис на претседателските избори во САД. По победата на Трамп, Селена сподели цитат од американската писателка и феминистка Одр Лорд. Цитатот гласи:

„Не можам да бидам слободна додека другите жени не се слободни, дури и ако нивните синџири се разликуваат од моите.“

Таа со цитатот додаде: „Денеска ми е тешко“.