„НЕ ЈА ПРЕТВОРАЈТЕ ТРАГЕДИЈАТА ВО АВТОМОБИЛСКИ НАТПРЕВАР“ За Беџети не е важно колку кривични пријави има, туку важна е моралната одговорност
Вашата перцепција и вашата логика не подразбира дека на крајот некој треба да има одговорност, ама вистинска одговорност. Во сите предмети во којшто изгореа и загинаа многу луѓе, немате процесуирано ни една петина од она што ние го процесиравме за трагедијата во Кочани. За вас секогаш крабелот е крив, истакна министерот за внатрешни работи Панче Тошковски, одговарајќи на пратеничко прашање поставено од пратеникот Блерим Беџети од ДУИ.
„Кој го држел отворен бизнисот со доделување лиценци за функционирање на угостителски објекти?“
Ова прашање пратеникот од редовите на ДУИ, Блерим Беџети, му го постави на министерот за внатрешни работи Панче Тошковски на денешната собраниска седница за опозициски пратенички прашања.
Тошковски, пак, кратко и низ смеа му одговори:
– Мене ме прашувате? – рече Тошковски, потенцирајќи дека во изминатите 15-20 години со Министерството за економија, кое ги издава лиценците, раководел кадар токму од ДУИ.
Брат да ми е, ќе одговара, додаде тој.
– И народот гледа разлика. Знам дека не ви е верно. Вашата перцепција и вашата логика не подразбира дека на крајот некој треба да има одговорност, ама вистинска одговорност. Во сите предмети во којшто изгореа и загинаа многу луѓе, немате процесуирано ни една петина од она што ние го процесиравме за трагедијата во Кочани. За вас секогаш крабелот е крив – рече Тошковски.
Бектеши се врати на говорницата и порача дека не е задоволен од одговорот на министерот.
– Не се обидувајте да ја претворите оваа трагедија во автомобилски натпревар. Не е важно колку кривични пријави ќе има, туку важна е моралната одговорност. И да направите 300 кривични пријави, тие семејства ги загубија своите најблиски. Треба да дадете оставка. Мислите дека немаме информации од состаноците на кои се делат насоки како да се делува? Повелете, поднесете оставка, а постапката нека продолжи. Ако Крешник Бектеши погрешил, нека одговара. Ако Тошковски погрешил, тогаш и тој нека одговара. Не се работи за квантитет, туку за квалитет. Не се натпреваруваме кој колку кривични пријави поднел. Ние двајцата се познаваме и знаеме кој и што кажал кога се поднесени тие кривични пријави – возврати Беџети.