Комората на извршители го ограничи времето за прием на странки
Оттаму посочуваат дека сите писма до канцелариите на извршителите и Комората на извршители на РСМ ќе треба да се доставуваат по поштенски пат.
Комората на извршители донесе превентивни мерки, согласно заклучоците на владата за преземање на дополнителни и заострени мерки и активности за превенција од ширење на коронавирусот (Ковид- 19).
– Набавка на средства за дезинфекција во секоја канцеларија и редовно вршење на дезинфекција на канцелариите на извршителите и Комората на извршители, ограничување на времето за прием на странки во канцелариите на извршителите Комората на извршители и утврдување на еден ден во текот на неделата за прием на странки во посебна просторија во канцеларија на извршителот и Комората на извршители, како и задолжително носење на заштитни маски од страна на странки кои ќе пристапат во канцеларија на извршителот и Комората на извршители и објава на соопштение од секоја канцеларија на извршителот за редуцирање на деновите за прием на странки, се дел од превентивни мерки на Комората на извршители.
Оттаму посочуваат дека сите писма до канцелариите на извршителите и Комората на извршители на РСМ ќе треба да се доставуваат по поштенски пат.