ИСЧЕЗНА 15-ГОДИШНО ДЕВОЈЧЕ ОД НОВИ САД Итна потрага по Дуња Нециќ, активиран системот „Пронајди ме“
Полицијата ја проширува потрагата и апелира до граѓаните за информации по исчезнувањето на малолетничката од Нови Сад.
Полицијата во Србија ја активираше системската алатка „Пронајди ме“ по исчезнувањето на 15-годишната Дуња Нециќ од Нови Сад, која се води како лице со посебни потреби.
Според информациите од Министерство за внатрешни работи на Србија, девојчето исчезнало на 29 април откако го напуштило училиштето и се упатило во непознат правец.
Потрагата дополнително се интензивирала откако последен пат била забележана на 1 мај околу 19 часот во Инѓија.
Во меѓувреме, српските медиуми информираат дека полицијата трага и по уште двајца малолетници – 16-годишно момче и 17-годишно девојче, ученици во училиштето „Д-р Милан Петровиќ“ во Нови Сад, кои исто така исчезнале на 29 април.
Надлежните апелираат до граѓаните доколку имаат било каква информација што може да помогне во пронаоѓањето на исчезнатите лица, веднаш да ја споделат со полицијата.