ИРАН ТВРДИ ДЕКА ТАНКЕР НАЛЕТАЛ НА МИНА И ПЛАМНАЛ ВО ОРМУСКИОТ ТЕСНЕЦ Војската на САД негира

Нафтен танкер експлодира и го зафати оган откако удри во мина во Ормускиот Теснец, јави иранската агенција Фарс цитирајќи соопштение на Корпусот исламската револуционерна гарда (ИРГЦ).

Танкерот „Ал Гаја“ се движел по јужната маршрута низ протокот, која е минирана од Иран, соопшти иранската државна телевизија, повикувајќи се на ИРГЦ. Според соопштението, по детонацијата на мината целиот брод избувнал во пламен.

Американските вооружени сили сепак ја отфрлија оваа верзија.

„Нафтениот танкер ’Ал Гаја‘, кој плови под панамско знаме, беше погоден од иранска ракета минатиот месец и стана неуправлив. Овој викенд Иран повторно го погоди танкерот со дрон додека бродот се наоѓаше во водите крај брегот на Оман“, соопшти Централната команда на САД (Центком) на Х.

„Во моментов танкерот е влечен од регионален партнер. Неточните тврдења на ИРГЦ се уште еден пример за нивните лаги и обиди за застрашување додека се обидуваат да го попречат движењето на трговските бродови во протокот“, нагласи Центком.

Военоморската команда на ИРГЦ претходно соопшти дека „Ормускиот Теснец е затворен и останува под иранска контрола“. Таа претходно предупреди против користењето на јужната маршрута. Военоморските сили на ИРГЦ ја минираа јужната маршрута и го прогласија за безбеден за преминување единствено северниот пат покрај иранскиот брег, при што наплаќаат такси за преминување.

Контролата врз Ормускиот Теснец е главна точка во конфликтот меѓу Техеран и Вашингтон. Пред војната, околу една петтина од светските испораки на нафта минуваа низ протокот. По оваа рута исто така се извезуваат течен природен гас и ѓубрива од државите од Персискиот Залив.

Закажаната за вчера средба на министрите за надворешни работи од државите од Персискиот Залив и Иран со цел разгледување на прашањето за Ормуската Теснина беше одложена во последен момент.

Iran Says Super Tanker Exploded On ‘Forbidden’ Route In Strait Of Hormuz https://t.co/ktR3M4oxH3 via @YouTube

— Plus Info (@PlusInfomk) September 15, 2026