🎥 АНЏЕЛИНА ЏОЛИ БЕШЕ ГОЛЕМА ЉУБОВ НА ВАЛ КИЛМЕР Еве што зборуваше актерот за неа
Килмер и Џоли се запознале на снимањето на филмот „Александар Велики“ во 2004 година.
Низ прегратките на холивудскиот актер Вал Килмер поминаа многу холивудски убавици, а актерот во една прилика изјави дека негова најголема љубов е Дерил Хана. Меѓутоа, кога објави автобиографска книга во 2020 година, неговите чувства кон колешката и поранешна девојка Анџелина Џоли дојдоа до израз.
Килмер и Џоли се запознале на снимањето на филмот „Александар Велики“ во 2004 година, а по објавувањето на книгата, во која актерот изјавил дека не бил во романтична врска околу две децении, се појавија шпекулации дека убавата Анџелина била неговата последна девојка.
– Ме спаси, ме спаси од пеколот на ледената осаменост… Ме спаси ангел, најголемиот од сите – Анџелина… Кога луѓето ме прашуваат каква е, секогаш им велам дека е како другите жени и другите ѕвезди, но многу повеќе… Анџелина е уште поубава, уште помудра, уште потрагична, уште поволшебна… Таа е поприземјена од другите – напишал тогаш Килмер, па додал: „Дали вредеше? Да. Секогаш вреди да запознаете луѓе за кои ви се потребни недели напор за воопшто да почнете да ги разбирате.“
Сепак, Анџелина набрзо почнала да го снима филмот „Господин и г-ѓа Смит“, за време на кој го запознала Бред Пит, за кого набрзо се омажи, а кој за неа ја оставил тогашната сопруга Џенифер Анистон. Останатото е историја…
Да потсетиме, холивудската легенда Вал Килмер почина на 1 април од компликации на пневмонија, а веста за неговата смрт ја потврди неговата ќерка Мерцедес.