ОВА Е ЈАСНА ПОРАКА ДО ТРАМП И ДО НЕГОВАТА АДМИНИСТРАЦИЈА Обама ја поздрави победата на Демократите на меѓуизборите во САД
Нашата задача сега е да ги засукаме ракавите, да направиме промени секаде каде што ја имаме моќта за тоа, да спречиме дополнителна штета и да ги поставиме темелите за иднината – порача поранешниот американски претседател.
Поранешниот американски претседател Барак Обама ја поздрави убедливата победа на демократите на меѓуизборите како „јасна порака“ од гласачите до актуелниот претседател Доналд Трамп и неговата администрација.
Демократите ја презедоа контролата врз двата дома – Претставничкиот дом и Сенатот – од републиканците на претседателот Доналд Трамп, на две години пред крајот на неговиот мандат, пренесе ДПА.
„Граѓаните сакаат политика што ги обединува луѓето наместо да ги дели, како и лидери кои нудат конкретни решенија за предизвиците со кои се соочуваат“, напиша Обама на социјалните мрежи.
„Иако оваа администрација има уште две години на власт, нашата задача сега е да ги засукаме ракавите, да направиме промени секаде каде што ја имаме моќта за тоа, да спречиме дополнителна штета и да ги поставиме темелите за иднината“, додаде тој.
Најистакнатиот предизборен настап на Обама беше заедно со Абдул Ел-Сајед, кој победи во трката за Сенатот на САД во Мичиген и стана првиот муслиман избран во овој дом.