ЗА 10 ДЕНА АКЦИИТЕ НА АЛТА БАНКА БИТОЛА ОДАТ НА ПРОДАЖБА Славески информира дека веќе има заинтересирани инвеститори
Гувернерот на НБ рече дека веќе е испратено известување до надлежниот регулатор во Србија, со барање во рок од три дена да се произнесе дали Алат банка а.д - Белград ќе ги понуди на продажба акциите во македонската филијала.
Народната банка по истекот на 10 дена од воведувањето администрација ќе ги понуди акциите на Алта банка- Битола на продажба на Македонска берза, информира гувернерот на Народна банка Трајко Славески.
Тој рече дека веќе е испратено известување до надлежниот регулатор во Србија, со барање во рок од три дена да се произнесе дали Алат банка а.д – Белград ќе ги понуди на продажба акциите во македонската филијала.
– Без разлика дали ќе добиеме одговор од регулаторот, по истекот на десет дена Народната банка ќе ги понуди акциите на Алта банка АД Битола на Македонската берза. Постои интерес од неколку потенцијални инвеститори, од земјата и од странство, за преземање на акциите на Банката – рече Славески.
Тој е дециден дека постапката за евентуална продажба ќе се спроведе во согласност со законската регулатива и надлежностите на Народната банка.
-Целта е да се обезбеди избор на соодветен инвеститор којшто ќе ги исполнува законските и супервизорските критериуми за стекнување квалификувано учество и ќе придонесе за долгорочна стабилност и непречено работење на Банката – рече Славески во интервју на ТВ Телма.
Тој нагласи дека роковите за преземање на следните чекори се кратки, бидејќи брзината на постапување е особено важна за изнаоѓање соодветно решение за Банката.
Народната банка продолжува внимателно да ја следи состојбата и да ги презема сите активности во рамките на своите законски надлежности, со цел заштита на интересите на клиентите и одржување на стабилноста на банкарскиот систем.