📽️ 📷 РУСИЈА СО МАСОВЕН РАКЕТЕН И ДРОНСКИ НАПАД ВРЗ УКРАИНА Харков тешко погоден, десетици повредени, во училиште загинале 26 лица
Во нападите ноќта меѓу 2 и 3 ноември биле погодени повеќе украински региони, а во Харков се повредени најмалку 62 лица. Истовремено, украински дронови погодиле нафтени објекти во Русија.
Русија ноќта меѓу 2 и 3 ноември извршила масовен ракетен и дронски напад врз Украина, при што биле погодени енергетска инфраструктура, станбени објекти и медицински установи во повеќе региони. Во Харков се повредени најмалку 62 лица, а во одделен напад врз училиште во Комишуваха, каде што се делела хуманитарна помош, загинале најмалку 26 луѓе.
Според информациите од украинската страна, руските сили употребиле стратешки бомбардери „Tu-160“ и „Tu-95MS“, крстосувачки и балистички ракети, како и беспилотни летала „Shahed“.
🤕 Number of injured in Russia’s strike on Kharkiv rises to 78, including hospital patients and medical staff — prosecutor’s office
🔹 The strike hit a connecting passage between hospital buildings. Preliminarily, the Russians used a FAB-250 aerial bomb. https://t.co/jukSqMH6tE
— UATV English (@UATV_en) November 3, 2026
Меѓу погодените градови биле Харков, Днепар и Житомир. Во неколку региони имало и прекини во снабдувањето со електрична енергија. Во Харков била оштетена здравствена установа, а според градоначалникот Игор Терехов, во болницата и околните објекти биле искршени повеќе од 1.000 прозорци.
🚨 Russia struck a hospital in Kharkiv, Ukraine, injuring 73 people, according to Ukrainian prosecutors.
A hospital ward was damaged, and 226 patients are being evacuated. Investigators suspect a Russian FAB-250 guided bomb.
Imagine surviving Russian attacks, going to a hospital for treatment, and finding Russian bombs waiting for you there, too.
How many hospitals, schools, and homes must Russia destroy before the world stops treating Putin as a normal negotiating partner?
— AnatolijUkraine (@AnatoliUkraine) November 3, 2026
Во меѓувреме, украински беспилотни летала погодиле голем нафтен транспортен центар во руската Самарска област, како и рафинерија во Јарослављ. Во нападот врз рафинеријата биле повредени двајца вработени, а избувнал и пожар.
Руското Министерство за одбрана соопштило дека во текот на ноќта соборило 856 украински дронови над руска територија. Градоначалникот на Москва, Сергеј Собјанин, претходно објавил дека биле неутрализирани околу 100 беспилотни летала што се движеле кон главниот град.
Украинскиот претседател Володимир Зеленски ги осуди нападите, оценувајќи дека тие покажуваат оти Москва не сака деескалација и вистински напредок кон мирот.
Од американската администрација, пак, било најавено дека работни разговори меѓу Русија и Украина, со посредство на САД, треба да се одржат во Абу Даби на 10 и 11 ноември.