ПАРАДА БЕЗ ТЕНКОВИ НА ЦРВЕНИОТ ПЛОШТАД ВО МОСКВА Путин верува во победа во Украина

Рускиот претседател Владимир Путин денеска изјави дека е уверен во победа, додека ја надгледуваше воената парада на Црвениот плоштад по повод поразот на нацистичка Германија во Втората светска војна.

Безбедноста во Москва беше засилена додека Путин и неколку странски лидери присуствуваа на парадата по повод 9 Мај, Денот на победата.

Путин ги поздрави руските војници кои се борат во Украина, велејќи дека тие „се соочуваат со агресивна сила вооружена и поддржана од целиот НАТО блок“.

– Победата отсекогаш била и ќе биде наша. Клучот за успехот е нашата морална сила, храброст и смелост, нашето единство и способност да издржиме сè и да го надминеме секој предизвик – рече Путин пред војниците на Црвениот плоштад.

Оваа година, за првпат по речиси 2 децении, парадата се одржа без тенкови, ракети и друго тешко оружје.

Малезискиот крал Султан Ибрахим Искандар, претседателот на Лаос Тонглун Сисулит, казахстанскиот претседател Касим-Жомарт Токаев, узбекистанскиот претседател Шавкат Мирзоев и белорускиот лидер Александар Лукашенко присуствуваа на свеченостите во руската престолнина.

Роберт Фицо, премиерот на Словачка, членка на Европската Унија се сретна со Путин во Кремљ.