ЛЕКОТ НА „ФАЈЗЕР“ ЗА КОВИД-19 ОДОБРЕН ВО САД Паксловид ќе може да се зема дома

Американската агенција за лекови (ФДА) ја одобри употребата на лекот на „Фајзер“ против ковид-19 , што е оценето како важна фаза во борбата против пандемијата, и може да им овозможи на милиони пациенти да добијат третман.

– Ова одобрување обезбедува ново средство за борба против ковид-19 во важен момент за пандемијата, кога се појавуваат нови соеви – рече Патриша Кавазони, функционерка во ФДА.

Таблетата може да се дава на високоризични пациенти постари од 12 години, наведува американската агенција.

Лекарството – Паксловид – ќе може да се земе дома и треба да спречи тешки форми на болеста.