ДЗС: Не може да се самопопишат лица кои се откажале од македонското државјанство
Прв услов е лицата што се попишале да ги има во базата на државјани на МВР, информираат од Државниот завод за статистика.
Државниот завод за статистика најостро ги демантира информациите што се појавија во јавноста дека постои можност да се самопопишат и лица кои се откажале од македонското државјанство. Тоа се дезинформации, објавија од ДЗС на официјалниот Фејсбук профил.
Можеби ќе ве интересира
„Прв услов е лицата што се попишале да ги има во базата на државјани на МВР. По вкрстување на базите, оние лица коишто ги нема ќе бидат отстранети, иако се обиделе да се попишат со пасивизиран матичен број. ДЗС дејствува по сериозна методологија и се води по најстрогите и најсовремени стандарди на проверки при попишувањето и секој обид за дезинформирање и манипулирање со населението ќе биде веднаш демантиран и разобличен“, појаснуваат од ДЗС.