ИМАЛ СЛУШАЛКИ НА УШИ И ТАНЦУВАЛ, ЗАМОЛИЛ ДА ГО СНИМААТ, ПА ВЛЕГОЛ КАЈ ТИГАРОТ Сведоци изнесоа детали за трагедијата во зоолошката градина во Јоркшир
Чуварите велат дека направиле сè што можеле за да го оддалечат тигарот од човекот. Петпати испукале со гласен акустичен пиштол за да го исплашат животното, но безуспешно.
Би-би-си (BBC) дознава дека мажот што во саботата попладне го усмртил тигар се викал Вилијам Чепмен (William Chapman), но не објави повеќе детали за него. Во меѓувреме се појавија сведоци, кои изнесоа повеќе детали за трагичниот инцидент.
Мажот влегол во оградениот простор за тигри во зоолошкиот парк Јоркшир вајлдлајф парк (Yorkshire Wildlife Park), во близина на Донкастер (Doncaster), Англија, во саботата, нешто по 13:30 часот по локално време. Починал на местото на настанот, соопшти полицијата на Јужен Јоркшир.
Очевидец раскажал дека видел маж со слушалки како оди напред-назад во близина на оградениот простор, пред да влезе внатре, каде што го нападнал тигар. Според сведочењето на очевидецот, мажот бил добро расположен и танцувал пред да почне да се качува преку оградата.
Пред инцидентот, мажот, кој дошол сам во зоолошката градина, ѝ рекол на една жена што ја сретнал пред живеалиштето на тигарот, да го фотографира, односно да го снима заедно со животното.
Потоа почнал да се качува преку оградата, висока три метри, додека жената што го фотографирала го молела да се симне. Мажот сепак продолжил да се качува, по што паднал во живеалиштето на тигарот.
Кога животното го нападнало, мажот неколкупати му викал да престане. Наводно, некои очевидци го советувале да легне на земја и да се преправа дека е мртов.
Некои од присутните изјавиле дека мажот изгледал како да „нема допир со реалноста“.
Дел од очевидците почнале и да го снимаат инцидентот. На вознемирувачка видеоснимка се гледа како тигарот најпрво го соборува мажот и изгледа како да си игра со него, но потоа се обидува да го гризне.
Чуварите во зоолошката градина подоцна изјавиле дека направиле сè што можеле за да го оддалечат тигарот од мажот. Петпати испукале со гласен акустичен пиштол за да го исплашат животното, но безуспешно.
Зоолошката градина била итно евакуирана, а на местото веднаш пристигнале медицински екипи, вклучително и хеликоптер. За жал, мажот веќе бил мртов кога медицинските екипи пристигнале.Портпарол на полицијата изјавил дека семејството на починатиот е известено за настанот и дека поддршка му пружаат специјализирани полициски службеници. Зоолошкиот парк бил евакуиран по инцидентот и ќе остане затворен додека трае истрагата за смртта на мажот.
Од Јоркшир вајлдлајф парк соопштија дека „нивните мисли и искрено сочувство“ се со семејството на починатиот. Од паркот потврдиле и дека реткиот амурски тигар по име Алтај (Altai) останал во својот ограден простор и дека нема да биде еутаназиран.
I’ve seen many people saying the tiger at Yorkshire Wildlife Park should have been shot when the man entered its enclosure.
I couldn’t disagree more.
From the footage I’ve seen, it looks extremely difficult to even get into that enclosure in the first place.
And from what I’ve heard, the staff did an incredible job reacting as quickly as they did, while showing restraint and avoiding killing an innocent tiger.
These are apex predators. They are extremely dangerous animals that will naturally attack humans when confronted in their territory.
Hopefully this magnificent animal isn’t put down in the aftermath of this tragedy.
The tiger did nothing wrong. https://t.co/0yVvBgf9MA
— Ben Graham (@BenGrahamUK) October 11, 2026