Разрешена судијката Софија Лаличиќ

 Со одлука на Судски совет, денеска е разрешна судијката Софија Лаличиќ. Вкупно 11 членови од советот се  изјасниле „за“ нејзиното разрешување, а  двајца биле „против“.

Лаличиќ е најмладата судијка во скопскиот Основен суд 1, која се споменуваше и во прислушуваните разговори поради што беше изземена и од одлучувањата за предметите на СЈО.

Судскиот совет вели дека е донесена одлука со која еден судија се разрешува поради нестручно и несовесно вршење на судиската функција.

„Истовремено донесена е Одлука со која времено се оддалечува од вршење на судиската функција до правосилно завршување на постапката“, вели Судскиот совет.