Детенце продава смоки во Градски парк за да се прехрани себе и својата мајка (ФОТО)

На социјалната мрежа Твитер масовно се шири фотографија од едно мало детенце кое продава смоки, тефтерчиња и чоколатца во Градскиот парк во Скопје, а на тој начин сака да ѝ помогне на својата мајка за да може да го прехрани семејството.

„Ова детенце продава смоки само за да ѝ помогне на мама дома. Едно најпрекрасно дете со сини очиња, другар на нашите деца кои секојдневно ги шетаме во Градски парк, продава смоки, тефтерчиња, чоколатца… Ве молам не го одминувајте, најсмејте му се и купете нешто за 15-20 ден, тоа е единствен негов начин за да се прехрани. Со мајка му живеат сами во многу многу лоши услови. Ве молам да му помогнеме. Верувајте ми дека ќе го засакате од прва, нема да ви се верува колку воспитано дете е со најчиста душа што за жал е реткост во овој лажен свет. (Ликот намерно го сокрив бидејќи сепак е малолетен, но секогаш е таму, во првиот дел кај кафињата). Ве молам споделете и не го одминувајте, купете смоки за 15ден“, пишува во објавата на социјалните мрежи.

Скопјаништа и провинцијалци, сите вие кои сте низ скопски парк не го одминувајте анѓелчево. Од фб. Рт пожелно pic.twitter.com/ZGYrknda15

— Приказна (@Prikazna1) October 20, 2020