Принцот Вилијам не е ангел, всушност е лошо момче
Британските таблоиди деновиве интензивно се занимаваат со новата книга за животот на кралското семејство, а најголемо внимание овој пат, изненадувачки, не беа принцот Хари и неговата „озлогласена“ сопруга Меган Маркл, туку оној што важи за најмекиот во Виндзор. Според сите проценки, принцот Вилијам воопшто не е цвеќе.
Долго се пишуваше дека раздорот помеѓу браќата настанала кога Хари ја запознал Меган и веднаш одлучил да се ожени со неа, а потоа се открило дека Хари навистина збеснал кога Вилијам го замолил вујко им, лорд Спенсер, да му објасни на Хари зошто би било паметно малку да забави со плановите за брак.
Сепак, новите извадоци од книгата, кои ги пренесува „Дејли мејл“, откриваат дека Меган не е таа поради која браќата се скарале, иако станува збор за многу популарен и примамлив наратив, туку дека несогласувањата помеѓу Вилијам и Хари тлееле одамна и дека, всушност, сè започнало уште кога биле деца.
Двајцата во 1992 година двајцата морале да најдат начин да се справат со расправиите на нивните родители, леди Дијана и принцот Чарлс, кои веднаш станаа јавна работа и и за кои редовно се дискутираше на телевизија и во весниците, особено по објавувањето на експлозивната книга на Ендру Мортон „Нејзината вистинска приказна“ (Her True Story), напишана врз основа на снимените сведоштва на принцезата Дијана.
Таа книга беше, како што проценија многумина, многу намерен и агресивен обид да се разоткрие злобната крв на кралското семејство.
Кога Чарлс ќе отпатувал, Вилијам – 16-годишник кој веќе доволно пиел за да биде во солидна форма – и Хари на 14-годишна возраст доведувале пријатели, и тогаш и Хари започнал да пие, веројатно сакајќи да биде како неговиот постар брат.
Хари сѐ до бракот со Меган Маркл, навистина бил познат како непослушно момче на кралското семејство, а во книгата се вели и дека тој на Универзитетот Итон го добил прекарот „Хаш Хари“ затоа што во неговата соба постојано се пушел хашиш .
До август 2000 година, Вилијам го напушти Итон на 18-годишна возраст и отишол во Белизе на едногодишна авантура пред да се запише на колеџ.
Хари го изгубил компасот во 2000 и 2001 година, но, според британските медиуми, токму Вилијам ги отворил првите шишиња. Вилијам бил синоокиот фраер кој сипал пијалаци и го внесол својот помал брат во забранетиот свет. А сепак, никој не напишал ништо негативно за Вилијам, додека Хари засекогаш е окарактеризиран како валкан бунтовник.
Кога Хари го имал испадот со нацистичката униформа што ја облекол на еден маскенбал, во весниците го окарактеризираа како „Хари нацистот“, додека за Вилијам кој бил со него, никој не кажал ниту збор.
Некаде околу 2005 година, по инцидентот со костумот за маскембалот, Хари почнал да го преиспитува својот однос со неговиот брат и улогите што им биле доделени намерно или случајно. Пријателите раскажале дека имало период кога Хари и Вилијам не разговарале и дека дури и по скандалот со наркотиците во 2002 година, кога таблоидите го распарчија – и ги поставија татко му и брат му на пиедестал – Хари почнал да сфаќа дека тој е жртвено јагне на монархијата.
Затоа Меган не била причина Хари да реши да раскрсти со своето семејство, ако ѝ се верува на книгата, туку на таа одлука ѝ претходеле години на инфериорност во односот на својот брат кој секогаш, сметал Хари, премногу лесно се извлекувал од сè.