Лавров: Никој не можеше да ги предвиди размерите на пандемијата
Рускиот министер за надворешни работи Сергеј Лавров денеска истакна дека никој не можел да ги предвиди размерите на пандемијата на коронавирус и поради тоа Москва ќе извлече заклучоци за својата подготвеност за евентуелен втор бран.
– Се разбира, никој не може да ги испланира размерите на катастрофата и затоа беше невозможно да се создадат структури на државно ниво и да се предвиди вакво нешто – рече Лавров во интервју за Раша Тудеј.
Можеби ќе ве интересира
Тој, исто така, рече дека се уште не е донесена одлука за обнова на патниот, поморскиот и воздушниот сообраќај со другите земји, дополнувајќи дека за тоа се прашуваат епидемиолозите.
Сепак, тој изрази надеж дека отворањето на границите ќе се случи набрзо.