ВО БОЛНИЦИТЕ ЛЕЖАТ ВКУПНО 145 ПАЦИЕНТИ Две групи ќе заминат на лекување во Хрватска и во Романија

Денеска се згрижени вкупно 145 настрадани. Во македонските болници остануваат да се лекуваат 90 настрадани. Во Клинички центар се згрижени 20, во ГОБ „8 Септември“ исто 20, а во Св. Наум Охридски 21 пациент.

Во болницата во Штип има 20 настрадани, во општата болница во Кочани 7, на Токсикологија – двајца.

44 пациенти се пренесени на лекување во странство. Од нив во Србија се пренесени 17 настрадани, во Бугарија 14, Турција 9 и Грција 4.

„Има пациенти и во ‘Аџибадем Систина’ и во ‘Жан Митрев’. Во странство се прифатени 44 повредени и тоа Србија 17, Бугарија 14, Турција 9 и Грција 4. Бројките се менуваат поради пренесување на повредените во други болници. Пристигнатите во странство се стабилни. Ноќеска и рано наутро ќе заминат 8 повредени, за Хрватска 4 и за Романија 4. Има можности за Словенија и Унгарија по 4 лица и Австрија 6 лица. Од раните утрински часови во Клинички центар функционира Кризниот штаб на Министерството за здравство, во одлична координација со МВР и МНР. Состојбата на сите пациенти се набљудува и конзилијарно се одлучува за понатамошните постапка. Вечерва пристигна еден тим од ВМА Белград, а во очекување сме на тимови од Чешка, Израел и од Белгија. Сите, сите повредени се згрижени најдобро што можеме“, напиша Сашо Клековски, директор на Фонд за здравствено осигурување.