НОРВЕШКАТА ПРИНЦЕЗА ДОБИ НОВИ БЕЛИ ДРОБОВИ Мете-Марит беше на листата на чекање само две недели
Престолонаследничката Мете-Марит била подложена на она што нејзините лекари го нарекуваат „успешна“ трансплантација на бели дробови во националната болница во Осло, Рикшоспиталет.
Норвешката кралска палата објави дека престолонаследничката Мете-Марит била подложена на она што нејзините лекари го нарекуваат „успешна“ трансплантација на бели дробови во националната болница во Осло, Рикшоспиталет.
Таа беше ставена на листата на чекање пред помалку од две недели, но времето на чекање беше релативно кратко, а нејзините изгледи се добри.
Можеби ќе ве интересира
На 52-годишната сопруга на норвешкиот престолонаследник Хакон, во 2018-та година, ѝ беше дијагностицирана белодробна фиброза, хронична болест што предизвикува лузни на белите дробови и доведува до намален внес на кислород.
Универзитетската болница во Осло потврди на 5 јуни дека Мете-Марит е ставена на листа на чекање за трансплантација на бели дробови по значително влошување на нејзиното здравје, кое, според проценките, ѝ оставило само една година живот без операција.
– Како и сите новотрансплантирани пациенти, принцезата ќе остане во болница уште неколку недели – рекол професорот Аре Холм од Универзитетската болница во Осло во изјавата доставена од палатата.
Престолонаследникот Хакон во декември изјави дека семејството забележало промена во состојбата на Мете-Марит и дека ѝ е сè потешко да дише.
Премиерот Јонас Гар Сторе ја пофали принцезата за отвореното зборување за нејзината состојба, велејќи дека тоа би можело да им помогне на другите кои страдаат од слични состојби.
Мете-Марит имала 25 години, била обична жена и немажена самохрана мајка кога го запознала Хакон на музички фестивал во 1999 година. Тоа беше почеток на неочекувана кралска романса што започна со медиумска помпа и на крајот го освои поголемиот дел од јавноста.