📽️ БОЛСОНАРО ИЗБЕГА ВО САД И СЕ ПРОГЛАСИ ЗА ЛИДЕР НА БРАЗИЛ Со приватен авион ја заобиколил забраната за патување
Поразениот претседателски кандидат тајно ја напуштил земјата и покрај забраната за патување. Од Мајами порача дека ќе ја предводи борбата за демократија, обвинувајќи го судството за изборна измама.
Флавио Болсонаро, поразениот кандидат на претседателските избори во Бразил, избега во САД и се прогласи за „лидер на Бразил“. Неговото прво јавно обраќање уследи откако тајно ја напушти земјата, иако имаше судска забрана за патување.
Болсонаро првично се нарекол „вистински избран претседател“ во објавата на социјалната мрежа Икс. Подоцна ја сменил формулацијата во „лидер на Бразил“. Според агенциските информации, корекцијата ја направил за да избегне дополнителни проблеми со бразилското правосудство.
Поразениот кандидат тврди дека изборите биле одбележани со „одвратна изборна измама“. Тој го обвини судскиот систем дека му помогнал на актуелниот претседател Луиз Инасио Лула да Силва да победи.
Болсонаро најави дека од странство ќе ја предводи борбата за демократија. Неговата цел, како што порача, е да го спречи Лула да воспостави „диктаторски режим“.
„Не избегав од Бразил. Заминав за доброто на Бразил“, напиша Болсонаро на Икс.
Во друга објава тој ги отфрли обвинувањата против себе.
„Против мене нема налог за апсење бидејќи не сум сторил никакво кривично дело. Она што постои е политички мотивиран лов на вештерки“, напиша Болсонаро.
Defeated Brazilian presidential candidate Flávio Bolsonaro and his family have landed in Miami after fleeing his country.
This comes a day after they were granted United States visas by the Trump administration. https://t.co/oB91ejWab5
— The Associated Press (@AP) October 28, 2026
BREAKING: Defeated Brazilian presidential candidate Flavio Bolsonaro steps off a private jet in Miami after President Trump approved his entry into the United States despite a court order banning him from leaving his home country.
Bolsonaro reportedly used an Italian passport to cross into Argentina with his family before boarding a private plane that stopped in Ecuador on its way to Florida.
The Trump administration confirmed it is granting visas to Bolsonaro and his family, just days after his election defeat.
For the latest details, read the full story: https://t.co/PffKyxGov8
— Fox News (@FoxNews) October 28, 2026
Телевизиските снимки го прикажаа како излегува од приватен авион на аеродромот во Мајами. Со него биле сопругата Фернанда и ќерките Каролина и Луиза.
Според аргентинските имиграциски власти, Болсонаро прво отпатувал во Аргентина. Оттаму со приватен авион заминал за Еквадор, по што продолжил кон Мајами.
Стејт департментот претходно соопшти дека ќе му издаде визи на семејството и ќе му дозволи влез во САД. Болсонаро им се заблагодари на претседателот на САД, Доналд Трамп, и на аргентинскиот претседател Хавиер Милеи.
Забраната за патување му била изречена во рамките на истрага за наводно перење пари. Болсонаро ги негира обвинувањата и тврди дека е жртва на политички прогон.
Флавио Болсонаро е сенатор и најстар син на поранешниот претседател Жаир Болсонаро. Неговиот татко беше осуден на 27 години затвор за обид за државен удар.
Според изборните власти, Флавио Болсонаро освоил 48,2 % од гласовите во вториот круг од изборите. Лула победил со 51,8 %, а десничарската партија на Болсонаро го признала изборниот резултат.