Би-Би-Си: Британија е најтешко погодена земја од ковид-19 од групата Г7
Анализата покажа дека Англија поминала најлошо во цела Европа, дури и полошо од Шпанија. Истражувањето направи споредба на период од 11 недели за секоја земја-членка на групата Г7, додека пандемијата беше на врвот. Исто така, при анализирање на смртни случаи од коронавирус Велика Британија помина најлошо, полошо дури и од САД, Германија, Франција, Италија, Канада и Јапонија.
Велика Британија е меѓу најтешко погодените земји во групата Г7, според анализата на Би-Би-Си по првиот бран на пандемија на коронавирус.
Анализата покажа дека Англија поминала најлошо во цела Европа, дури и полошо од Шпанија. Истражувањето направи споредба на период од 11 недели за секоја земја-членка на групата Г7, додека пандемијата беше на врвот. Исто така, при анализирање на смртни случаи од коронавирус Велика Британија помина најлошо, полошо дури и од САД, Германија, Франција, Италија, Канада и Јапонија.
Според сите три мерени фактори на земјите од Г7 – регистрирани смртни случаи од Ковид-19 на 100.000 луѓе, вишок смртни случаи на 100.000 луѓе и вишок смртни случаи во однос на вообичаеното ниво на смртни случаи – Велика Британија беше најтешко погодена. Од земјите на Г7, Германија, Канада и Јапонија имаа релативно ниска смртност од коронавирус.
Велика Британија забележа 65 смртни случаи од Ковид-19 на 100.000 луѓе во споредба со 58 во Италија, 44 во Франција и 38 во САД.
Користејќи ја статистиката за „вишок смртни случаи“, бројот на смртни случаи над просекот на 100. 000 население, во Велика Британија е 97 повеќе починати од просекот, во Италија 75, потоа следи Франција, веднаш пред САД. Канада, Германија и Јапонија имаат релативно мал број „вишок смртни случаи“.
Сите методи ја прикажуваат главно истата слика – Велика Британија е најтешко погодена, иако бројките за САД би можеле да се променат кога случаите почнуваат повторно да растат.