ЗА ЕВРОПСКИТЕ ЗЕМЈИ НЕМА МЕСТО ВО ПРЕГОВОРИТЕ ЗА УКРАИНА? Портпаролот Песков вели дека таква можност не е разгледувана
Тоа, најверојатно, се разгледувало во редакцијата на „Фајненшл тајмс“ - посочи Песков.
Портпаролот на Кремљ, Дмитриј Песков денеска изјави дека до сега не е разгледувана можноста европски земји да учествуваат во трилатералните преговори Русија, САД и Украина.
Неговата изјава уследи откако „Фајненшл тајмс“ објави дека САД ја разгледуваат можноста во преговорите да се вклучат претставници на Велика Британија, Франција и Германија.
– Не, за тоа не се разговараше со никого. Тоа, најверојатно, се разгледувало во редакцијата на „Фајненшл тајмс“ – посочи Песков.
Тој исто така истакна дека рускиот претседател Владимир Путин е отворен за контакти со сите лидери со цел да се изнајде мирно решение за конфликтот во Украина.
– Ако разумот преовлада во Европа, бројот на политичари што контактираат со Русија ќе се зголеми. Ако не, тогаш нема да се зголеми – посочи Песков.
Тој додаде дека ова на никаков начин нема да влијае на процесот на трилатералните преговори.
Според најавите трилатералните разговори ќе се одржат следниот месец, најверојатно во Абу Даби.