ГЕРМАНКА СИ ГО ЗАБОРАВИЛА БЕБЕТО ВО АВТОМОБИЛ Девојчето починало, останало во возилото со часови

Дваесетмесечно девојче почина во Шорндорф, град во германската покраина Баден-Виртемберг, откако било оставено во автомобил со часови.

Според првичните информации, детето било заборавено во возилото од неговата 44-годишна мајка.

Криминалната полиција и канцеларијата на државното обвинителство на Штутгарт водат истрага против мајката поради сомнение за убиство од небрежност.

Полициската управа во Ален извести дека во среда околу 14:50 часот добиле пријава за безживотно дете во паркиран автомобил.

Иако службите за итни случаи веднаш почнале со мерки за реанимација по пристигнувањето на местото на настанот, обидите биле неуспешни и девојчето починало.

Истражителите сè уште не објавија никакви информации за можните причини зошто мајката го оставила детето во автомобилот.