ПРВО СЕВЕРЕН ВЕТЕР, ПА ДОЖД, СТУД И СНЕГ Студен продор од север ќе донесе значително заладување
Поради продор на постудена воздушна маса од север и засилен северен ветер во четврток и во петок на повисоките планини ќе има услови врнежите од дожд да преминуваат во повремен снег. Температурата значително ќе опадне, утринската наместа ќе се спушти до нула степени.
Времето утре ќе биде променливо облачно со сончеви периоди, најавува Управата за хидрометеоролошки работи.
Ќе дува слаб до умерен ветер од северен правец. Минималната температура ќе се спушти до 6 во Маврово, а најтопло ќе биде во Гевгелија со дневна температура до 24 степени.
Во Скопје времето ќе биде променливо облачно со сончеви периоди. Ќе дува слаб ветер од северен правец. Утринската температура ќе се симне до 12 степени, а дневната ќе се искачи до 22 стешени Целзиусови.
Деновиве следува значителна промена на времето, најавува УХМР.
Од среда попладне до петок под влијание на нов влажен бран ќе има врнежи од дожд, кои локално ќе бидат пообилни, во количина над 30 литри на квадратен метар.
Поради продор на постудена воздушна маса од север и засилен северен ветер во четврток и во петок на повисоките планини ќе има услови врнежите од дожд да преминуваат во повремен снег. Температурата значително ќе опадне, утринската наместа ќе се спушти до нула степени.
Во деновите од викендот ќе има стабилизирање на времето и постепен пораст на дневната температура.
