ИЗГАСНАТ Е ПОЖАРОТ КАЈ БУНАРЏИК Утрово е активен еден пожар, а 4 се под контрола

Под контрола се четири пожари и тоа во велешко, во Дојран, Демир Хисар и Македонски Брод. 

236

Утрово има вкупно 33 пожари на отворен простор, од кои еден е активен, 4 се под контрола и 28 се изгаснати, информираат од Центарот за управување со кризи (ЦУК).

Актиевен е пожарот во општина Василево, во село Нивичино (нискостеблеста шума).

Во текот на вчерашниот ден и ноќта изгаснати се вкупно 28 пожари меѓу кои и пожарот во скопски Илинден, поточно во село Мршевци, во Индустриска зона Бунарџик, поради кој вчера беше затворен за сообраќај и автопатот Скопје-Куманово.

Изгаснати се пожарите и во Сарај, Гази Баба, Студеничани, Карпош, Ѓорче Петров, Петровец.

Под контрола се четири пожари и тоа во велешко кај селата Џидимирци – Крушје – Иванковци, еден крак кон с. Иванковци, втор крак кон с. Крушје, во  општина Дојран кај село Николиќ, градската депонија во Демир Хисар и во Македонски Брод селата Црешнево -Локвица -Крапа.






Поврзани содржини