📽️ ПОРАНЕШНА ЅВЕЗДА НА ТОТЕНХЕМ ЗАПАЛИ ДРЕС НА АРСЕНАЛ Облогот со познат јутјубер заврши со оган
Деле Али морал да го облече дресот на лутиот ривал по два пораза во фудбалска видеоигра. Поранешниот англиски репрезентативец го испочитувал облогот, но потоа решил да се ослободи од дресот на необичен начин.
Поранешниот англиски репрезентативец и фудбалер на Тотенхем, Деле Али, запалил дрес на Арсенал за време на пренос во живо, откако претходно бил принуден да го облече по изгубен облог со познатиот американски јутјубер АјШоуСпид (IShowSpeed).
Али се натпреварувал со јутјуберот, чие вистинско име е Дарен Џејсон Воткинс Џуниор, во два натпревара на фудбалска видеоигра. Ги загубил двата дуела, а казната била да го облече дресот на Арсенал.
За поранешниот играч на Тотенхем тоа било особено непријатно, со оглед на големото ривалство меѓу двата лондонски клуба.
Али го испочитувал договорот и го облекол дресот на „топчиите“, но откако облогот завршил, решил да го запали пред камерите.
Деле Али своевремено важеше за еден од најголемите таленти во англискиот фудбал. Најдобрите сезони ги одигра во Тотенхем, но неговата кариера потоа тргна надолу, а последниот клуб за кој настапуваше беше италијанскиот Комо.
🚨🚨| Dele Alli burned a Arsenal shirt on his Twitch livestream….😬 https://t.co/1U9RPga4fw
— Kalshi FC (@KalshiFC) November 9, 2026