ПОЛИЦИЈАТА ПОДЕЛИ 865 КАЗНИ ВО ЕДЕН ДЕН Вртоглава бројка за паркирање, брзо возење и без дозвола
Контролите биле спроведени од сите сектори за внатрешни работи при Бирото за јавна безбедност, а стануваат сѐ почести во пресрет на зголемениот сообраќаен метеж во пролетните и летните месеци.
Министерството за внатрешни работи вчера спроведе масовна координирана акција низ целата држава, при што санкционираше вкупно 865 прекршоци во сообраќајот.
Најголем дел од казните се однесуваат на непрописно паркирање – дури 213 возачи биле фатени како ги оставаат возилата каде што не им е место. Следуваат 117 казни за возење со брзина повисока од дозволената, како и 110 случаи на возачи без возачка дозвола – што укажува на алармантна несериозност во однос на сообраќајните правила.
Контролата ги опфати и мотоциклистите – 128 лица биле казнети затоа што не носеле заштитен шлем, а полицијата воедно запрела и четворица возачи под дејство на алкохол, седуммина кои минале на црвено светло, и дури и пешаци – петмина добиле казна за небезбедно однесување на улица.
Во текот на акцијата биле откриени и 47 возачи кои не носеле сигурносен појас, 25 кои зборувале на мобилен телефон додека возеле, како и 33 нерегистрирани возила, кои веднаш биле исклучени од сообраќај. Полицијата открила и 10 технички неисправни возила, кои исто така биле отстранети.
„Апелираме до сите учесници во сообраќајот да ги почитуваат правилата и прописите. Акциите ќе продолжат и во наредниот период“, велат од МВР, потенцирајќи дека сообраќајната култура мора да се подигне на повисоко ниво.
Контролите биле спроведени од сите сектори за внатрешни работи при Бирото за јавна безбедност, а стануваат сѐ почести во пресрет на зголемениот сообраќаен метеж во пролетните и летните месеци.