ТРАГЕДИЈА ВО КИСЕЛА ВОДА 69-годишна жена и 9-годишно дете паднаа од зграда
Според очевидци, телото на жената завршило на оградата пред зградата, додека брзата помош го однела детето со тешки повреди во Ургентниот центар. Лекарите моментално се борат за неговиот живот, но состојбата е крајно критична.
Тешка несреќа се случи во Кисела Вода, откако 69-годишна жена загина на лице место, а 9-годишно дете е во критична состојба по пад од балкон.
Според очевидци, телото на жената завршило на оградата пред зградата, додека брзата помош го однела детето со тешки повреди во Ургентниот центар. Лекарите моментално се борат за неговиот живот, но состојбата е крајно критична.
Полицијата и противпожарните екипи веднаш пристигнаа на местото на несреќата, но причините за трагедијата сè уште се нејасни.
Не е познато дали детето било на балконот заедно со жената или паднало претходно.
– Вчера во 19.40 часот во СВР Скопје било пријавено дека на територија на Кисела Вода, две лица паднале од зграда. Полициски службеници излегле на местото и било констатирано дека жената Д.С.(69) од Скопје од здобиените повреди починала на местото на настанот, додека деветгодишен малолетник од Скопје се здобил со повреди и бил пренесен во Комплексот клиники ‘Мајка Тереза’ за укажување на помош“, велат извори на МВР за Плусинфо.
Оттаму додаваат дека во моментов работат на утврдување на сите околности што довеле до овој трагичен инцидент.