ТРИГОДИШНО ДЕТЕ ГО ЗАСТРЕЛА СВОЕТО БРАТЧЕ ВО САД Трагедија се случила на паркинг во Сан Антонио
Едно од постарите деца се фати за наполнет пиштол што беше во задниот дел од возилото и случајно го повлече чкрапалото. Најмалото дете беше застрелано. Ова е страшна трагедија, изјави началникот на полицијата на Сан Антотнио.
Голема трагедија се случи во понеделникот во САД кога тригодишно дете уби 10-месечно бебе откако пукало од наполнет пиштол. Бебето му било братче.
Началникот на полицијата на Сан Антонио, Вилијам Мекманус изјави дека во возилото имало три деца и една жена. Деца на возраст од 3 и 2 години и 10-месечно бебе биле во задниот дел на возилото, рече тој.
– Едно од постарите деца се фати за наполнет пиштол што беше во задниот дел од возилото и случајно го повлече чкрапалото. Најмалото дете беше застрелано. Ова е страшна трагедија – рече Мекманус.
Детали за случајот не се објавени. Во тек е полициска истрага.
„Бебето беше застрелано и убиено од мало дете кое зеде наполнет пиштол додека беа во паркиран автомобил и го повлече чкрапалото“, соопшти полицијата, пренесе ABC.
Пукањето се случило на паркинг во близина на медицински центар во Сан Антонио, Тексас.
A baby was shot and killed by a toddler who got hold of a loaded gun while they were in a parked car and pulled the trigger, police said. The shooting occurred Monday in a parking lot near a medical center in San Antonio, Texas. https://t.co/OdX6Fhzd5Q pic.twitter.com/mQQUfEp9AN
— ABC News (@ABC) October 22, 2024