ВОЗНЕМИРУВАЧКИ СНИМКИ ТЕЛА РАСЕАНИ ПО УЛИЦА, КРВ НА СИТЕ СТРАНИ Повеќе од 100 жртви во две експлозии во Иран

Бројот на жртвите во двете експлозии што се случија денеска во близина на гробот на иранскиот генерал Касем Сулејмани достигна 103, јавија светските агенции. Терористичките напади се случија на денот кога се одбележуваат четири години од ликвидирањето на генералот, кој беше задолжен за сите ирански воени операции на Блискиот Исток.

Сулејмани убиен во напад на американско беспилотно летало на аеродромот во Багдад.

Претходно, Бабак Ектапараст, официјален претставник на иранските спасувачки служби во провинцијата Керман, извести дека експлозиите се должат на терористички напади и во нив загинале 73 лица, а 170 се повредени.

Експлозиите се случија во близина на џамијата Сахеб ал Заман во јужниот ирански град Керман, каде што се наоѓа гробот на Сулејмани. Двете експлозии се случија на неколку минути една од друга. Претставник на властите на градот Керман соопшти дека се работи за терористички чин.

Horrific scenes out of Kerman, Iran where the detonation of two bombs at a gathering commemorating 4 yrs since assassination of #Qassem_Soleimani, killed at least 73 people and injured more than 170 others. pic.twitter.com/U3idl8UsnI

— Arwa Ibrahim (@arwaib) January 3, 2024

Засега никој не ја презеде одговорноста за нападите, кои може да се покажат како најтешки во историјата на земјата.

Иранскиот министер за внатрешни работи Ахмад Вахиди изјави дека безбедносните сили ќе одговорат „брзо и цврсто“ на двата бомбашки напади во кои загинаа повеќе од 100 луѓе, јави ДПА.

-Нашите полициски сили се будни и ќе ги изведат пред лицето на правдата оние кои го извршија ова злосторство – вети тој на државната телевизија.

Иран го прогласи утрешниот ден за ден на жалост по двете експлозии.

#Irán🇮🇷 |#ÚltimaHora

🎥El vídeo muestra a las víctimas tras los atentados terroristas en #Kerman, donde la gente conmemora el cuarto aniversario del asesinato del general Soleimani a manos de Estados Unidos. pic.twitter.com/CkizAnS1d3

— Karlita °*Chavistamente*° 28K (@kb_ql22) January 3, 2024