📷 ЗДРАВКО ЧОЛИЌ ЈА КРЕНА НА НОЗЕ КРИВА ПАЛАНКА Јубилејното издание на „Џојфест“ со атрактивни гости, привлече илјадници посетители
Кривопаланчани, но и илјадници гости од другите македонски градови и оние што допатуваа од Србија и од Бугарија, синоќа уживаа во безвременските хитови на балканската ѕвезда.
Балканската ѕвезда Здравко Чолиќ како специјален гостин на 10.издание на „Џојфест“, направи незаборавен во Крива Паланка. Кривопаланчани, но и илјадници гости од другите македонски градови и оние што допатуваа од Србија и од Бугарија, синоќа уживаа во безвременските хитови на легендарниот музичар.
Здравко Чолиќ, витален на сцената како во младоста, уште еднаш покажа дека е вистински професионалец, магнет за публиката која половина век умее да ја задржи со ист интензитет и со истиот жар на неговите настапи. А публиката безрезервно му возвраќа.
И млади и стари заедно со Чола ги пејат новите песни и старите евергрини и речиси секогаш без исклучок заминуваат среќни и насмеани по неговите настапи. Така беше и синоќа во Крива Паланка.
Пред настапот на Здраво Чолиж, вчерашната вечер на „Џојфест“ ја отворија „Нокаут“, а вечерта беше заокружена со настапот на диџеј Галоски.
Претхопдниот ден, во неделата специјален гостин на фестивалот во Крива Паланка беше уште една балканска легенда, хитмејкерот Владо Георгиев. Присутните ги забавуваа и „Фјужн“ и „ДНК“ кои додадоа свој белег и придонес во ова исклучително успешно издание на музичкиот фестивал во Крива Паланка.
„За ова се живее,за ова се работи и вреди секој атом енергија потрошен за организација и реализација на десеттиот “Џојфест” на кој за програмата и легендарниот Здравко Чолиќ илјадници млади , средовечни, возрасни, дами и господа, момци и девојки од сите генерации, од сите краеви на државата, но и од соседството вечерва дојдоа во нашата Крива Паланка“ – стои во објавата на Фејсбук страницата на Општина Крива Паланка како организатор на манифестацијата.